Екатерина Семеновна Семенова

Уикипедия — ашық энциклопедиясынан алынған мәлімет
Jump to navigation Jump to search
Екатерина Семенова. К.П.Брюлловтың суреті

Екатерина Семеновна Семенова (18 қараша 1786 - 13 наурыз 1849, Петербург) - орыс актрисасы, актриса Нимфодора Семёнованың үлкен апасы.

Бачыбайлы шаруа әйелінің қызы. Петербург театр училищесін бітірген. И.А.Дмитриевский мен А.А.Шаховскойдан сабақ алды. 1803 жылдан Петербургтің императорлық театр сахнасында, ал 1805 жылдан осы театрдың группасында ойнады. В.А.Озеров трагедияларынан Антигона («Афиныдағы Эдипте»,), Моина («Фингалда»), Ксения («Дмитрий Донскойда») рольдерін орындауда өзінің үздік сахналық өнерін көрсетті. Актерлік өнері адамгершілік пафосқа толы болумен бірге, эмоциялық бояуының молдығымен, терең мазмұнымен, шынайылығымен ерекшеленді. Рольдері: Гермиона, Федар (Расиннің «Андромахасы» мен осы аттас трагедиясында), Меропа, Заира (Вольтердің осы аттас трагедияларында) т.б. 1826 ж. князь И.А.Гагаринмен тұрмыс құрғаннан кейін ол сахнадан мүлдем қол үзді. А.С.Пушкин оның орыс театрындағы еңбегі мен талантын бағалады[1]

Дереккөздер[өңдеу]

  1. Қазақ Совет энциклопедиясы, 1976 жыл, Алматы,10 том, 122 бет
Ортаққорда бұған қатысты медиа файлдар бар: Category:Catherine Semenova