Елдос Жәнібекұлы Сайдалин

Елдос Жәнібекұлы Сайдалин
	Елдос Жәнібекұлы Сайдалин
Жалпы мағлұмат
Азаматтығы
Туған күні	23 қазан 1985 (40 жас)
Туған жері	Жезқазған
Бапкері	А.Аширбеков, Г. Кенжебаев
Кәсіби карьерасы
Айқастар саны	128
Жеңгендер саны	103

Елдос Жәнібекұлы Сайдалин (23 қазан 1985 жыл, Жезқазған, Қазақ КСР) — Қазақстанның бокс жаттықтырушысы, Қазақстан Республикасының еңбек сіңірген жаттықтырушысы, спорт шебері^[1]. 2024 жылы Қазақстан әйелдер құрамасының бас бапкері.

Өмірбаяны

Елдос Сайдалин 1985 жылғы 23 қазанда Жезқазған қаласында дүниеге келген. Қазақ. Орта білімді 1992–2003 жылдары туған қаласында алды. 2003 жылдан бастап жоғары оқу орнына түсіп, бірақ оқуын аяқтамады.

Әкесі — Сайдалин Жанибек Күдешұлы (20 қаңтар 1961), анасы — Нұрманова Евгения Жүсіпқызы (8 маусым 1964). Айдос (1988 ж. т.) және Айдар (28 ақпан, жылы көрсетілмеген) есімді інілері бар.

Спорттық мансабы

Бокспен 1998 жылдан бастап шұғылданады. Алғашқы жаттықтырушылары — А. Ашырбеков пен Ғалымбек Кенжебаев.

Елдос Сайдалин Қарағанды қаласында еңбек жолын жаттықтырушы ретінде бастады. Оның жалпы бапкерлік өтілі 16 жылдан асады. 2020 жылдан бастап Қазақстанның жасөспірім қыздар және жастар құрамасын жаттықтырды.

Бапкерлік қызметте

Жасөспірімдер және жастар құрамасымен

2021 жылғы әлем чемпионаты: 2 күміс, 3 қола медаль;
2022 жылғы әлем чемпионаты: 2 алтын, 2 күміс, 3 қола медаль;
2023 жылғы Азия чемпионаты (Астана): 8 алтын жүлде;
2023 жылғы Еуропа біріншілігі (Армения): 3 алтын, 5 қола медаль.

Әйелдер ұлттық құрамасы

2024 жылғы 1 сәуірден бастап Қазақстан әйелдер құрамасының бас бапкері болып тағайындалды. Бұл қызметте ол 2021 жылдан бері ұлттық команданы жаттықтырған Шәміл Сафиуллинді алмастырды^[2].

Париж Олимпиадасы (2024)

2024 жылғы Париж Олимпиадасының әйелдер боксындағы іріктеуінде Қазақстан боксшылары алты мүмкіндіктің үшеуінде ғана лицензия иеленді. 50 кг салмақ дәрежесінде Назым Қызайбай қола медаль жеңіп алды. Ал 57 кг-да Карина Ибрагимова мен 75 кг-да Валентина Хальзова 1/8 финалдық кезеңде жарысты аяқтады. Париждегі медальдық есепте қытай боксшылары айқын басымдық танытып, үш алтын мен екі күміс жүлде еншіледі.

🥉 Назым Қызайбай — 50 кг, қола медаль
❌ Карина Ибрагимова — 57 кг, 1/8 финал
❌ Валентина Хальзова — 75 кг, 1/8 финал

Әлем чемпионаты 2025 (Ниш)

2025 жылғы наурызда Сербияда өткен әйелдер арасындағы әлем чемпионаты да IBA ұйымдастыруымен өтті. Бұл бәсекеде 12 салмақ дәрежесінде үздіктер анықталды. Қазақстан боксшылары үш алтын, екі күміс және бір қола медаль иеленіп, жалпы есепте екінші орынға шықты. Бірінші орынды Ресей құрамасы (4 алтын, 1 күміс, 2 қола) иеленді.

🥇 Назым Қызайбай — 48 кг
🥇 Алуа Балкибекова — 50 кг
🥇 Аида Әбікеева — 63 кг
🥈 Виктория Графеева — 60 кг
🥈 Елдана Тәліпова — 81+ кг
🥉 Наталья Богданова — 70 кг

World Boxing Cup (Астана)

2025 жылғы 30 маусым мен 7 шілде аралығында Астанада өткен Әлем кубогының (World Boxing Cup) кезеңінде әйелдер құрамасы үш алтын, үш күміс және екі қола жүлдені жеңіп алды.

🥇 Назым Қызайбай — 48 кг
🥇 Виктория Графеева — 60 кг
🥇 Наталья Богданова — 70 к
🥈 Алуа Балкибекова — 50 кг
🥈 Елдана Тәліпова — 81+ кг
🥈 Надежда Рябец — 75 кг
🥉 Аида Әбікеева — 65 кг
🥉 Айдана Забынбекова — 57 кг

Әлем чемпионаты 2025 (Ливерпуль)

🥇 Алуа Балкибекова (51 кг дейін)
🥇 Аида Әбікеева (65 кг)
🥇 Наталья Богданова (70 кг)
🥈 Назым Қызайбай (48 кг дейін)
🥉 Виктория Графеева (60 кг дейін)
🥉 Елдана Тәліпова (+80 кг)^[3].

Чемпионат қорытындысы бойынша медаль кестесі
Орын	Ел	Алтын	Күміс	Қола	Барлығы
1	Қазақстан	3	1	2	6
2	Үндістан	2	1	1	4
3	Польша	1	2	0	3
4	Аустралия	1	1	1	3
5	Қытай Республикасы	1	0	1	2

Марапаттары

Қазақстан Республикасының спорт шебері;
Жастар арасындағы әлем чемпионатының жүлдегері;
Қазақстан чемпионатының жеңімпазы;
Қазақстан Республикасының еңбек сіңірген жаттықтырушысы;
Әлем чемпионатының ширек финалында есте қаларлық жекпе-жек өткізген;
Жоғары деңгейлі, жоғары санатты бокс жаттықтырушысы.
«Құрмет» ордені (2025) ^[4]

Жеке көзқарастары мен қызығушылықтары

Ұнататын боксшысы — Геннадий Головкин^[5].
Құндылығы — шынайылық, ал жасандылықты қабылдамайды.
Ұнататын кітабы — Лев Толстойдың «Соғыс және бейбітшілік».
Сүйікті тағамдары — ұлттық тағамдар.
Хоббиі — футбол.

Дереккөздер

[1] Сайдалин Елдос Жанибекович.

[2] Бокстан Қазақстан әйелдер командасының бас бапкері ауысты.

[3] Сборная Казахстана по боксу выиграла командный зачёт чемпионата мира.

[4] За историческую победу: Президент наградил спортсменов и наставников.

[5] Сайдалин Елдос Жанибекович.

[1]

[2]

[3]

[4]

[5]