Елизавета Әлиханқызы Садуақасова

Уикипедия — ашық энциклопедиясынан алынған мәлімет
Jump to navigation Jump to search
Елизавета Әлиханқызы Садуақасова
Туған күні

25 сәуір 1903(1903-04-25)

Туған жері

Омбы қаласы

Қайтыс болған күні

23 мамыр 1971(1971-05-23) (68 жас)

Қайтыс болған жері

Мәскеу қаласы

Марапаттары


Қызыл Жұлдыз, Еңбек Қызыл Ту және 2-дәрежелі Отан Соғысы ордені, бірнеше мемлекеттік медальдар

Елизавета Садуақасова (25 сәуір 1903, Омбы, 23 мамыр, 1971, Мәскеу) - қазақ кеңес терапевті, медицина ғылымдарының докторы, профессор.

Еңбек жолы[өңдеу]

Мәскеу мемлекеттік университетінің медицина факультетін бітірген. Ол 1928-1931 ж. аспирант, КСРО Денсаулық сақтау министрлігінде жоғарғы оқу орындары жөініндегі аға инспектор. Ұлы Отан соғысына қатысты, КСРО Медицина ғылым академиясының Денсаулық сақтау институтының ғылыми хатшысы, 1948-1959 ж. КСРО Денсаулық сақтау министрлігінде медициналық статистика бөлімінің меңгерушісі болды.

Елизавета Садуақасова 1959 жылдан өмірінің ақырғы күндеріне дейін Әлеуметтік гигиена ғылыми-зерттеу статистикалық санитария бөлімін басқарды.

50-ден астам ғылыми еңбегі бар.[1]

Елизавета Бөкейханова - Әлихан Нұрмұхамедұлы Бөкейханның қызы, Смағұл Сәдуақасовтың жұбайы.

Смағұл өмірінің соңында Мәскеуде тұрып, сонда қайтыс болды. Елизавета да сонда тұрып қалады.

Мұхтар Омарханұлы Әуезов онымен Семей кезеңінен таныс, Смағұлмен достық қарым-қатынастары үзілмеген, әрдайым жолығысып, әңгімелесіп жүрген. «Қилы заман» мен «Қараш-қараш оқиғасын» жазу үшін Алматыға баруды ойлағанда, өзінің танитын адамдарына көмек беруді өтініп, хат жазып жіберген сол Садуақасов. 1958 ж. Елизавета күйеуінен қалған үлкен бір бума қолжазбаларды Мәскеуде әдейі жолығып, Әуезовке тапсырады. Олар: Ж. Аймауытов, I. Жансүгіров, С. Торайғыров, Сәбит Мұқанұлы Мұқанов, Б. Көлеев, Садуақасовтардың, өзі мен Әуезовтің өмірбаяндарының және шығармаларының түпнұсқалары еді.[2]

Дереккөздер[өңдеу]

  1. Қазақ Совет Энциклопедиясы, Алматы, 1976 ж., 8 том
  2. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8