Елубай Абдуллаұлы Орымбаев

Елубай Абдуллаұлы Орымбаев (24.01.1950 жыл, Түркістан облысы, Созақ ауданы, Таскөмірсай кенті) - Қазақстанның құрметті құрылысшысы. Қазақ.

Білімі

• Қазақ химия-технологиялық институтын бітірген, инженер-құрылысшы-технолог. Жобаларды басқаруға РМІ әдіснамасы бойынша сертификаты бар (2006).

Еңбек жолы

• 1972 жылдан - ҚазКСР Ауырқұрылысмині «Қаратаухимқұрылыс» тресінің құрылыс материалдары комбинатының шебері
• 1973 жылдан - бас технологі, бас инженері (Жаңатас қ.).
• 1975 жылдан - ҚазКСР Монтаж арнайы құрылыс министрлігі «Қазболатконструкция» Жаңатас басқармасы өндірістік-техникалық бөлімінің бастығы.
• 1977 жылдан - ҚазКСР Ауыр құрылыс министрлігі «Қаратауфосфорқұрылыс» тресінің №2 жылжымалы механикаландырылған колоннасының бас инженері (Жаңатас қ.).
• 1983 жылдан - «Зауытқұрылыс» құрылыс-монтаждау поезінің бастығы
• 1988 жылдан - ҚазКСР Ауырқұрылысмині «Қаратаухимқұрылыс» тресінің бас инженері (Жаңатас қ.).
• 1992 жылдан - ҚР Ауырқұрылысмині «Қаратаухимқұрылыс» тресінің басқарушысы (Жаңатас қ.).
• 1993 жылдан - «Қаратаухимқұрылыс» АҚ президенті.
• 1996 жылдан - Жамбыл облысы Сәулет, тұрғын үй салу және әкім аумағына құрылыс салу департаментінің бастығы (Тараз қ.).
• 1998 жылдан - «Достук Достык Дружба» ОСОО қырғыз-қазақ-ресей бірлескен кәсіпорнының бас директоры (Алматы қ.).
• 1999 жылдан - «Тараз» ӨҚК Басқармасының төрағасы, «РЫМ» өнеркәсіп корпорациясының президенті (Тараз қ.).
• 2002 жылдан - «Виал» ЖШС бас директорының орынбасары (Алматы қ.).
• 2006 жылдан - «Alwin Group» ЖШС инвестициялық құрылыс компаниясы бас директорының орынбасары, бас директоры (Алматы қ.).
• 2008 жылдан қаңтар айынан - «Atameken Kurylys» құрылыс компаниясының бас директоры (Алматы қ.).
• 2008 жылдан мамыр айынан - «Достық Құрылыс» құрылыс компаниясы» ЖШС бас директоры (Алматы қ.).
• 2009 жылдан наурыз айынан бері - «REAL Plus» ЖШС директоры (Астана қ.).

Оның жетекшілігімен ҚР-да көптеген объектілер салынып, пайдалануға енгізілді, оның ішінде: ҚР қорғаныс министрлігінің әскери клиникалық госпиталі (Алматы қ.). «Бес-Тұлға» 21 қабатты тұрғын үй кешені (Алматы қ.), «Земляничная поляна» коттедждер қалашығы (Каменка кенті), Атырау қ. тұрғын үй кешендері, кен-байыту фабрикалары, зауытттар, Қаратау химиялық өнеркәсіп фосфорит бассейнінің кеніштері және т.б.

Марапаттары мен жетістіктері

ҚР Құрметті құрылысшысы (2010).

Отбасы

Үйленген. 3 баласы бар.