Елікшөп

Уикипедия — ашық энциклопедиясынан алынған мәлімет
Jump to navigation Jump to search

Елікшөп (Ulugbekіa) — айлауық тұқымдасына жататын көп жылдық шөптесін өсімдік. Қазақстанда аласа тау баурайларындағы бұталардың арасында өсетін 1 түрі — Шымған елікшөбі (U. tschіmganіca) бар. Оның биікт. 20 — 60 см. Қара түсті, бұтақталған тамыры болады. Тік сабағына ірі, түкті, ұшы сүйірленіп келген жапырақтары кезектесіп орналасады. Ашық сары түсті қоңырау тәрізді гүлдері (1 — 3-тен) сабағының ұшында жетіледі. Гүл тұғыры қысқа, сәуір — мамыр айларында гүлдеп, маусым — шілдеде жемістенеді. Жемісі — жаңғақша, сырты жылтыр.