Ел аумағының әуе шабуылына қарсы қорғанысы

Ел аумағының әуе шабуылына қарсы қорғанысы (ӘШҚҚ) — өнеркәсіпті аудандарды, әкімшілік-саяси орталықтарды, халықты әуе шабуылынан қорғау мақсатында жүргізілетін жалпы мемлекеттік шаралар және әскерлердін (күштердін) ұрыстық қимылдар жиыны. Әуедегі қарсыластың шабуылына (соққысына) тойтарыс беру үшін ӘШҚҚ жүйесі құрылады. ӘШҚҚ әуе қарсыласының қолданатын қимылдарының сипатын, күштер мен құралдардың ұрыстық тапсырманы атқаруға тұрақты дайындығын камтамасыз етуді ескере отырып жүзеге асырылады. ӘШҚҚ-тың төмендегідей түрлері болады: аймақтық ӘШКҚ (шектерінде тасаланатын объектілері бар жеке аудандарды қорғау үшін құрылған күштер мен құралдардың бірынғай тобы); аймақтық-объектілік ӘШҚҚ (аймақтық ӘШҚК, ең кажет объектілерді тікелей калқалауға қолданылады); объектілі ӘШҚҚ (күштер мен құралдар ең қажет объектілерді қорғау үшін колданылады).