Емізу кезеңі
Емізу кезеңі (подсосный период) -төлдің енесінің сүтімен қоректенетін шағы. Е.к.-нің ұзақтығы малдың түріне байланысты. Мысалы, торай - 2 ай, қозы - 4 ай, бүзау - 6-7 ай, құлын - 7-8 ай, бота - 12 айға дейін енесін емеді. Арнайы ажыратпаса қысыр енесін құлын, бота арда, тай тайлақ шағында да еме береді. Е.к. төл өміршеңдігіне, өсіп-жетілуіне ықпалы күшті. туғаннан кейінгі уақытта төлдің жаңа сыртқы ортаға бейімделушілігі ең алдымен дұрыс қоректеніп, қоректік заттарды жақсы игеруіне тәуелді келеді. Ол үшін жаңа туған төлді енесінің алғашқы күңдердегі сүті-уызымен уыздандырудың маңызы зор. Өйткені уыз белогында жылдам ұйыйтын казеиннен гөрі жеңіл ыдырап, қорытылатын альбумин мен глобулиндер фракциясы басым болады. Гамма- глобулиндермен төлге ене организмінен сыртқы ортаның түрлі қолайсыз жағдайлары мен ауруларға қарсы тұрушылық, яғни резистенттік пен иммундық қасиеттер беріледі. Өмірінің алғашқы кезеңінде төлдің негізгі қорегі - ене сүті болып табылады. Оны басқа қорек көздерімен біртіндеп, төлдің өсіп-жетілуін тежемейтіндей жағдайда, алмастырады.
Дереккөздер[өңдеу | қайнарын өңдеу]
< Ә.Байжұманұлы, К.Бекболатұлы . Мал шаруашылығы сөздігі. Алматы-2011. ISBN 978-601-7254-21-6> Мал шаруашылығы:
 | Бұл мақаланың сәйкес санаты қойылмаған. |