Ем кекіре

Уикипедия — ашық энциклопедиясынан алынған мәлімет
Jump to navigation Jump to search

Ем кекіре — күрделігүлділер және қарамықтар тұқымдастарына жататын бірнеше гүлді өсімдіктер түрінің жалпы аты. Мұның қарамықтар туысына жататын негізгі түрлері:

Тынықмұхит кекіресі (Polygonum pacificum) — шөптесін өсімдік; бұл көбінесе Қиыр Шығыста өседі;

Кермек кекіре (Picris) — бұл көбінесе екіжылдық немесе көпжылдық болып өсетін шөптесін өсімдіктердің бір туысы. Мұның бұрынғы КСРО-да 10 шақты түрі бар, кейбіреулері — арамшөп.

Қосмекенді кекіре (Polygonum amphibium) — бұрынғы КСРО-ның көпшілік жеріндегі жылып ағатын және ағынсыз суларында өседі, бұл өсімдіктің тамыр сабағында — 20%, сабағы мен жапырағында — 5—10% тері илейтін заты болады, Орта Азиядағы және Қазақстандағы ел мұның тамыр сабағын қайнатып оны тамыр дәрінің орнына ішеді, жемісі асыранды құстарға жем болуға жарайды;

Қызыл кекіре (Polygonum corpeum) бұл көбінесе Кавказда өседі; қолдануы — ем кекіренікі тәрізді болады;

Раушан кекіре (Acroptilon picris) — көпжылдық шөптесін өсімдік; мұның бұтақталған; кіндік тамырының ұзындығы 5—6 м-ге жетеді; бұрынғы КСРО-ның Еуропалық бөлігінің оңтүстігінде, Батыс Сібірде және Орта Азияда өседі; шөлге, тұзға төзімді келеді, қаулап өсетін өте қауіпті арамшөп; түйе, кой, жылқы жесе улайды;

Шаян мойнақ (Polygonum bistorta) — мұның сырты қара, іші қызғылт, жыланша иірілген тамыр сабағы болады; бұрынғы КСРО-ның барлық жеріндегі шабындықтарда, төбелерде, беткейлерде, орман арасындағы ашық жерлерде өседі, Кавказда, Қиыр Шығыста ғана өспейді; шаян мойнақтың тамыр сабағын жаншып немесе қайнатып іш өткенде ішеді, тіс ауырса ауыз шайқайды;

Тағы қараңыз[өңдеу]

Дереккөздер[өңдеу]

  • Т. Мұсақұлов, ОРЫСША-ҚАЗАҚША ТҮСІНДІРМЕЛІ БИОЛОГИЯЛЫҚ СӨЗДІК І-том ҚАЗАҚМЕМЛЕКЕТБАСПАСЫ, Алматы — 1959, Редакциясын басқарған: Биология ғылымының докторы профессор Т. Дарқанбаев