Енді ешкім де қалған жоқ

Уикипедия — ашық энциклопедиясынан алынған мәлімет
Jump to navigation Jump to search
Енді ешкім де қаған жоқ
And Then There Were None
Жанры

детектив

Режиссёрі

Рене Клер

Сценарийдің авторы

Дадли Николс

Кинокомпания

Rene Clair Productions

Ұзақтығы

97 минут

Мемлекет

Америка Құрама Штаттары АҚШ

Тілі

ағылшынша

Шыққан жылы

1945

«Енді ешкім де қалған жоқ» (ағыл. And Then There Were None) — америкалық кинорежиссер Рене Клердің 1945 жылы жарыққа шыққан фильмі. Агата Кристидің "Он қара домалақ" романының желісімен жазылған. Бұл — аталмыш романның тұңғыш экрандалуы.

Сюжеті[өңдеу]

"Он негр баласы санамағы"

Он негр баласы тамақ ішуге барды,
Біреуі шашалып өлді, тоғызы ғана қалды.
Тоғыз негр баласы сосын жатып демалды,
Біреуі оянбады, сегізі ғана қалды.
Сегіз негр баласы Девонға қарай салды,
Біреуі оралмады, жетеуі ғана қалды.
Жеті негр баласы отынға кесті талды,
Біреуі өзін-өзі шапты, алтауы ғана қалды.
Алты негр баласы омартадан бал алды,
Ара шақты біреуін, бесеуі ғана қалды.
Бес негр баласы шығарды сотта жанжалды,
Біреуіне жаза берілді, төртеуі - ақ қалды.
Төрт негр баласы теңізге шомылуға барды,
Біреуі жемге алданды, үшеуі ғана қалды.
Үш негр баласы айуанханаға аттанды,
Біреуін аю талады, екеуі ғана қалды.
Екі негр баласы күн көзінде демалды,
Біреуі күйіп кетті - ана жазған жалғыз қалды.
Соңғы негр баласы шаршады, тыныс алған жоқ,
Барды да өлді асылып, енді ешкім қалған жоқ.

А. Н. Оним мырзаның шақыртуымен бір-бірін мүлде танымайтын он адам Британ жағалауындағы аралға барады. Оларды ерлі-зайыпты қызметшілер — Роджерстер күтіп алады. Бірақ бұлардың бәрін осында шақыртушы А. Н. Онимді оның ешқайсысы көрмеген болып шығады. Сондай-ақ әр бөлмеде он негр баласы жайлы санамақ тақпақ жазылған қатқыл қағаз ілулі тұрады. Одан бөлек үстел үстінде он негр баласының кішірек мүсіні қойылған екен.

Олардың алғашқы тамақтануынан соң грамофонның құдіретті даусы естіліп қоя береді де, сол жердегі он кісінің қылмыстарын тізіп шығады. Зәресі ұшқан қонақтар мұның бәрін кім жасап жатқанын анықтамақ болады, бірақ олары бос әурешіліктен өзге еш нәрсе бермейді. А. Н. Онимнің кім екені жұмбақ күйі қалады. Аралдан кетейін десе, қайық бұларды тастап кетіп қалған, енді қайықтың қашан оралатыны да белгісіз.

Көп ұзамай қонақтардың бірі Никита Старлофф[1] шашалып өледі. Оның өлімінен соң үстелдегі он негр баласының мүсіндерінің бірі өз өзінен жоғалып кетеді.

Кейін де санамақ бойынша қонақтардың барлығы біртіндеп жан тәсілім етеді. Әр адам өлген сайын үстелдегі нерлер мүсіні біреуге азая береді.

Ең соңында осының бәрі шебер түрде ұйымдастырған сол он қонақтың бірі сот Фрэнсис Куинкэннонның[2] ісі болып шығады.

Рөлдерде[өңдеу]

  • Барри Фицджеральд — судья Фрэнсис Куинкэннон
  • Уолтер Хьюстон — доктор Эдвард Армстронг
  • Луис Хейуорд — Филип Ломбард
  • Роланд Янг — детектив Уильям Генри Блор
  • Джун Дюпре — Вера Клэйторн
  • Миша Ауэр — князь Никита Старлофф
  • Обри Смит — генерал Джон Мандрейк
  • Джудит Андерсон — Эмили Брент
  • Ричард Хэйдн — Томас Роджерс
  • Куини Леонард — Этель Роджерс
  • Гарри Тёрстон — Фред Нарракотт

Дереккөздер[өңдеу]

  1. Романда бұл кейіпкердің есімі Антони Марстон
  2. Романда бұл кейіпкердің тегі — Уоргрейв

Сілтемелер[өңдеу]