Ербол Шымкентбайұлы Әлиқұлов

Ербол Шымкентбайұлы Әлиқұлов
Дүниеге келгені:	01.01.1974 Шымкент облысы «Киров» қаласы

Ербол Шымкентбайұлы Әлиқұлов (01.01.1974, Шымкент облысы, «Киров» қалалық кентін) - Экономика ғылымдарының кандидаты (2007).. Қазақ.

Әкесі - Әлиқұлов Шымкентбай, марқұм, Түркістан облысы әскери комиссариат бастығы болған. Анасы - Әбдірайымова Аманкүл, зейнеткер.

Әл-Фараби атындағы Қазақ мемлекеттік ұлттық университетінің психология факультетін (1996) психология оқытушысы мамандығы бойынша; әл-Фараби атындағы Қазақ мемлекеттік ұлттық университетінің экономика және философия факультетін (2007) заң ғылымдары бакалавры мамандығы бойынша бітірген.

Кандидаттық диссертациясының тақырыбы: «Алматы қаласының үлгісінде логистикалық жүйелерді отын-энергетикалық кешенде дамыту динамикасы».

«Нұр Отан» ХДП мүшесі (2005 жылдан).

1991 жылдан - әл-Фараби атындағы Қазақ мемлекеттік ұлттық университетінің студенті. 1996 жылдан - Бауыржан Момышұлы атындағы Республикалық қайырымдылық қорының «Кәусар бұлақ» баспасы директорының орынбасары. 1998 жылдан - «Асфар» ЖШС жарнама-полиграфиялық компаниясының директоры (Алматы қ.). 2002 жылдың ақпанынан - Алматы қаласы Түрксіб ауданының әкімі аппаратының нарықтық қатынастарды дамыту бөлімінің бас маманы м.а., 2002 жылдың мамырынан - бас маманы; 2003 жылдан - отын-энергетика бөлімінің бастығы. 2005 жылдан - Алматы қ. Түрксіб ауданы әкімінің орынбасары. 2006 жылдың ақпанынан - Алматы қ. Алмалы ауданы әкімі көмекшісінің м.а., 2006 жылдың мамырынан көмекші-кеңесшісі, 2006 жылдың шілдесінен - әкімнің орынбасары. 2009 жылдың маусымынан бері - Алматы қаласы Жетісу ауданының әкімі.

Әскери атағы - капитан.

Үйленген. Жұбайы - Әліқұлова Зарина Ықыласбекқызы (1981 ж. т.), балалар дәрігері. Ұлдары - Әліқұл Бекназар (2000 ж. т.), Әліқұл Нұрмұхамед (2008 ж. т.); қызы - Әліқұл Ақбота (2004 ж. т.).