Ержан Нұрланұлы Жиенбаев
| Ержан Нұрланұлы Жиенбаев | ||||
.jpg) Жиенбаев, 2019 жыл | ||||
| Лауазымы | ||||
|---|---|---|---|---|
| ||||
| 1 қыркүйек 2023 жылдан бастап | ||||
| Президент | Қасым-Жомарт Тоқаев | |||
| Ізашары | лауазым пайда болды | |||
| ||||
| 23 қазан 2019 — 1 қыркүйек 2023 | ||||
| Президент | Қасым-Жомарт Тоқаев | |||
| Ізашары | Әлия Рақышева | |||
| Ізбасары | лауазым жойылды | |||
| Өмірбаяны | ||||
| Білімі | Тұран университеті | |||
| Мамандығы | заңгер | |||
| Дүниеге келуі | 20 желтоқсан 1981 (43 жас) Алматы, Қазақ КСР, КСРО | |||
| Марапаттары |    | |||
өңдеу  |
||||
Ержан Нұрланұлы Жиенбаев (20 желтоқсан 1981, Алматы) — қазақстандық саясаткер, заңгер, 2023 жылдан бастап Президенттің құқықтық мәселелер жөніндегі көмекшісі.
Өмірбаяны
[өңдеу | қайнарын өңдеу]1981 жылы Алматы қаласында дүниеге келген.
2002 жылы заң мамандығы бойынша «Тұран» Университетін, 2018 жылы Ресей халық шаруашылығы және мемлекеттік басқару академиясын «Executive MBA» бағдарламасы бойынша оқу бітірген.
2002—2005 жылдары Қаржы министрлігінің жүйесінде еңбек еткен.
2005—2019 жылдары Премьер-Министр Кеңсесінің құрылымында жұмыс істеді: 2012 жылға дейін Заң бөлімінің аға сарапшысы, бас сарапшысы, бас кеңесшісі, сектор меңгерушісі, бөлім меңгерушінің орынбасары, 2012—2013 жылдары Заңнама, қорғаныс және құқықтық тәртіп бөлімі меңгерушісінің орынбасары, 2013—2019 жылдары Заң бөлімінің меңгерушісі, 2019 жылғы шілде — қазан аралығында Премьер-Министр Кеңсесі басшысының орынбасары болып қызмет атқарды.
2019 жылғы қазаннан 2023 жылғы қыркүйекке дейін Президент Әкімшілігі Басшысының орынбасары болып жұмыс істеді. 2022 жылы Конституцияға өзгерістер мен толықтырулар енгізу туралы ұсыныстарды тұжырымдау жөніндегі жұмыс тобына жетекшілік етті.[1]
2023 жылғы 1 қыркүйекте Мемлекет басшысының Жарлығымен Президенттің құқықтық мәселелер жөніндегі көмекшісі болып тағайындалды.[2] 2025 жылдан бастап — Парламенттік реформа жөніндегі жұмыс тобы жетекшісінің орынбасары.[3]
Марапаттары
[өңдеу | қайнарын өңдеу]«Құрмет» (2016), «Парасат» (2021), «Барыс» (2025) ордендерімен, ҚР Президентінің Алғысымен (2020), ҚР Президентінің Құрмет грамотасымен (2021), 7 мерейтойлық медальмен марапатталған.
Дереккөздер
[өңдеу | қайнарын өңдеу]- ↑ Қазақстан Республикасының Конституциясына өзгерістер мен толықтырулар енгізу туралы ұсыныстарды тұжырымдау жөніндегі жұмыс тобы туралы
- ↑ Қазақстан Республикасы Президентінің құқықтық мәселелер жөніндегі көмекшісі Жиенбаев Ержан Нұрланұлы
- ↑ Парламенттік реформа жөніндегі жұмыс тобы құрылды: оның құрамына кім кірді