Еркін Советбекұлы Ботақанов
| Еркін Советбекұлы Ботақанов | ||||
| Лауазымы | ||||
|---|---|---|---|---|
| ||||
| 19 қаңтар 2022 — 18 қыркүйек 2024 | ||||
| Ізашары | Руслан Жақсылықов | |||
| Ізбасары | Аңсаған Балтабеков | |||
| Өмірбаяны | ||||
| Білімі | Кеңес Одағы маршалы И.С. Конев атындағы Алматы жоғарғы жалпыәскери қолбасшылық мектебі, ҚР ҚК әскери академиясы, РФ ҚК Бас штабының Әскери академиясы | |||
| Дүниеге келуі | 1 қаңтар 1966 (60 жас) Топтерек ауылы, Күршім ауданы, Шығыс Қазақстан облысы, Қазақ КСР | |||
| Әскери қызметі | ||||
| Атағы |  Генерал-лейтенант
| |||
| Марапаттары |
| |||
өңдеу  |
||||
Еркін Советбекұлы Ботақанов (1 қаңтар 1966, Топтерек ауылы, Күршім ауданы, Шығыс Қазақстан облысы, Қазақ КСР) — Қазақстан Республикасы Ішкі істер министрінің орынбасары – Ұлттық ұланның Бас қолбасшысы (2022-2024).
Өмірбаяны
[өңдеу | қайнарын өңдеу]Еркін Советбекұлы Ботақанов 1966 жылы 1 қыркүйекте Шығыс Қазақстан облысы, Күршім ауданы, Топтерек ауылында дүниеге келген.
1987 жылы Кеңес Одағы маршалы И.С. Конев атындағы Алматы жоғарғы жалпыәскери қолбасшылық мектебін бітірген.
2003 жылы ҚР ҚК әскери академиясын бітірген.
2014 жылы РФ ҚК Бас штабының Әскери академиясын бітірген.
Мансабы
[өңдеу | қайнарын өңдеу]1987 жылдан бастап 2009 жылға дейін Ішкі әскердегі взвод командирінен құрама командиріне дейін әртүрлі лауазымдарда қызмет етті.
2009 жылдың шілдесінен 2010 жылдың шілдесіне дейін — Ішкі әскерлер қолбасшысының орынбасары — Астана қ., ҚР ІІМ Ішкі әскерлер комитеті төрағасының орынбасары болды.
Қазақстан Президенті Нұрсұлтан Назарбаевтың 2009 жылғы 6 мамырдағы Жарлығымен оған генерал-майор әскери атағы берілді.
2010 жылдың шілдесінен 2013 жылдың шілдесіне дейін — Ішкі әскерлер Бас қолбасшысының бірінші орынбасары — Бас штаб басшысы — Астана қ., ҚР ІІМ Ішкі әскерлер комитеті төрағасының орынбасары болып жұмыс істеді.
2013 жылдың мамыр-шілде айлары аралығында — Ішкі әскерлер Бас қолбасшысының бірінші орынбасары — Бас штаб басшысы — ҚР ІІМ Ішкі әскерлер комитеті төрағасының орынбасары қызметін атқарды.
2014 жылдың 16 шілдесінен 2020 жылдың тамызына дейін — Қарағанды қ., Қазақстан Республикасы Ұлттық ұланы «Орталық» өңірлік қолбасшылығының қолбасшысы болды.
2020 жылдың 7 тамызынан 2022 жылдың 19 қаңтарына дейін — Ұлттық ұлан Бас қолбасшысының бірінші орынбасары — Нұр-Сұлтан қ. Бас штабының басшысы лауазымында еңбек етті.
2022 жылдың 19 қаңтарынан 2024 жылдың 18 қыркүйегіне дейін — ҚР ішкі істер министрінің орынбасары – Ұлттық ұланның Бас қолбасшысы болып жұмыс істеді[1][2].
Қазақстан Президенті Қасым-Жомарт Тоқаевтың 2023 жылғы 5 мамырдағы Жарлығымен оған генерал-лейтенант әскери атағы берілді[3].
II дәрежелі «Даңқ» орденімен, II дәрежелі «Айбын» орденімен, Қазақстан Республикасының 15 медалімен, Беларус Республикасының 2 медалімен, КСРО-ның 1 медалімен, Тәжікстан Республикасының 2 медалімен, Қырғызстан Республикасының 1 медалімен марапатталған.
Дереккөздер
[өңдеу | қайнарын өңдеу]- ↑ Құқықтық актiлер. Қазақстан Республикасы Президентінің ресми сайты (19 қаңтар 2022). Тексерілді, 10 маусым 2025.
- ↑ Құқықтық актiлер. Қазақстан Республикасы Президентінің ресми сайты (18 қыркүйек 2024). Тексерілді, 10 маусым 2025.
- ↑ Тоқаев әскери қызметкерлерге жаңа атақтар берді. SPUTNIK Қазақстан (5 мамыр 2023). Тексерілді, 10 маусым 2025.