Еркін кəсіпкерлік аймағы

Еркін кəсіпкерлік аймағы — егеменді ұлттық-мемлекеттік аумақтың оқшауландырылған бөліктері. Мұндай аймақтарға отандық жəне шетелдік кəсіпкерлік үшін белгілі бір жеңілдікті экономикалық жағдайлар жасалады. Оларға шетелдік капиталды жұмсау, жаңа техника мен технологияны жедел игеру, экспорттық əлеуетті ұлғайту, т.б. үшін тартымды жағдай жасайтын ерекше(жеңілдікті) кедендік, салық тəртіптемесі енгізіледі. Еркін кəсіпкерлік аймақтардың алуан түрлілігіне қарамастан (еркін сауда, бірлескен кəсіпкерлік аймақтарды, ерекше экономикалық жəне экспорттық-импорттық аймақтар, т.б.) олардың арасынан негізгі тұрпаттарын бөліп көрсетуге болады, олар: кеден салығын салудан босатылған жəне кеден бақылауы оңайлатылған сыртқы экономикалық қызметпен байланысты аймақтар; атқарымдық аймақтар (мыс., технологиялық парктер, технополистер, еркін сақтандыру аймақтары, т.б.); сыртқы экономикалық қызметтен түсетін пайданы көбейту, осы аумақтың экономикасын жедел дамыту мақсатымен елеулі жеңілдіктер пайдаланылатын кешенді аймақтар.