Еркін кеден аймағының кедендік режимі

Еркін кеден аймағының кедендік режимі (ағыл. customs regime of customs free zone; нем. Zollverfahren der freie Zollzone; лат. zone - кеңiстiк) - Тауарлардың қауіпсіздігі жөніндегі талаптардан басқа, импортталатын тауарлардан акциз алуды қоспағанда, кедендік баждар, салықтар алынбастан, тарифтік емес реттеу шараларын қолданбастан шетелдік және қазақстандық тауарлар арнайы Экономикалық аймақтын тиімді аумақтық шекараларында орналасатын және пайдаланылатын кедендік режим.

Арнайы Экономикалық аймақ құру мақсаттарына қол жеткізу үшін қажетті тауарларды, Қазақстан Республикасының заңдарында көзделген жағдайларды қоспағанда, арнайы Экономикалық аймақ аумағында еркін кеден аймағының кедендік режиміне орналастыруға рұқсат етіледі.

Арнайы Экономикалық аймақ құру мақсатына қол жеткізу үшін қажетті тауарлардың тізбесі Қазақстан Республикасының заң актілеріне сәйкес бекітілетін арнайы Экономикалық аймақ туралы ережемен белгіленеді.