Ерлан Малаев

Ерлан Малаев
Жалпы мағлұмат
Туған күні	18 наурыз 1971(1971-03-18) (48 жас)
Туған жері	Алматы облысы
Азаматтығы	Қазақ КСР Қазақстан
Мамандығы	актер әнші
Белсенді жылдары	1997 жыл - осы уақыт
Бағыты	драма
Марапаттары

Ерлан Малаев (1971 жылы 18 наурызда Алматы облысы Шелек ауданында туған) - театр актері, эстрада әншісі. Қазақстанның еңбек сіңірген қайраткері (2013). Қалибек Қуанышбаев атындағы қазақ мемлекеттік академиялық музыкалық драма театрының актері (1997 жылдан).

Толығырақ

• Ерлан Малаев 1971 жылы 18 наурызда Алматы облысы Шелек ауданы Масақ ауылында дүниеге келген.
• 1993 - 1997 жылдары Т.Жүргенов атындағы Қазақ ұлттық өнер академиясының (бұрынғы Қазақ Мемлекеттік театр және кино институты)ның «Театр және кино актері» бөлімін бітірген.
• 1997 жылдан Қалибек Қуанышбаев атындағы қазақ мемлекеттік академиялық музыкалық драма театрының актерлік құрамында.
• 2003 жылдан "Бәйтерек" эстрадалық тобының әншісі.

Сахнадағы негізгі рөлдері

• Қалибек Қуанышбаев атындағы қазақ мемлекеттік академиялық музыкалық драма театры сахнасында: Тұсаукесер рөлі М. Әуезовтің пьесасы бойынша «Қанды азу» спектаклінде Ақшоланды өте жоғары дәрежеде көрсете білді. М. Әуезовтің «Еңлік-Кебек» – Дәулеткелді, «Абай» – Керім, «Айман-Шолпан» – Маман, Ғ. Мүсірепов «Қыз Жібек» – Бекежан, «Қозы Көрпеш-Баян сұлу» – Қодар, В. Дельмар «Баянсыз бақ» – шал, І. Жансүгіров «Махамбет» – Исатай, Ш. Айтматов «Ғасырданда ұзақ күн» – Еділбай, Дж. Патрик «Қымбатты Памела» – доктор, А. Цагарели «Гамарджоба» – Микич, Қ. Жүнісов «Махаббат мелодрамасы» – Әмір, Т. Джюдженоглу «Көшкін» – қауым басшысы, И. Штраус «Жұбайлар жұмбағы» – Франк, Е. Жуасбек «Терең тамырлар» – орман директоры, «Антивирус» – Асан, У. Шекспир «Гамлет» – Клавдий, Қ. Жиенбай – «Таңғажайып планета» – Мүсіркеп, Д. Рамазан «Абылай ханның арманы» – би, С. Балғабаев «Ең жақсы еркек» – Алпан, В. Ежов «Тыраулап ұшқан тырналар» – Кузовков, т.б.

Марапаттары

• 2006 жылы "Серпер" Қазақстан жастар одағы сыйлығының лауреаты.
• 2006 жылы ҚР Үкіметінің "ДАРЫН" мемлекеттік жастар сыйлығының иегері.
• 2013 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталды.
• Көптеген халықаралық және республикалық театр фистивальдерінің жүлдегері.