Ерлан Тынымбайұлы Қарин
| Ерлан Тынымбайұлы Қарин | |||||||||
 Қарин, 2019 жыл | |||||||||
| Лауазымы | |||||||||
|---|---|---|---|---|---|---|---|---|---|
| |||||||||
| 14 маусым 2022 жылдан бастап | |||||||||
| Президент | Қасым-Жомарт Тоқаев | ||||||||
| Ізашары | лауазым пайда болды; Мемлекеттік хатшы ретінде өзі | ||||||||
| |||||||||
| 5 қаңтар — 14 маусым 2022 | |||||||||
| Президент | Қасым-Жомарт Тоқаев | ||||||||
| Ізашары | Қырымбек Көшербаев | ||||||||
| Ізбасары | лауазым жойылды; Мемлекеттік кеңесші ретінде өзі | ||||||||
| |||||||||
| 30 шілде 2020 — 5 қаңтар 2022 | |||||||||
| Президент | Қасым-Жомарт Тоқаев | ||||||||
| |||||||||
| 5 сәуір 2019 — 30 шілде 2020 | |||||||||
| Президент | Қасым-Жомарт Тоқаев | ||||||||
| |||||||||
| 9 ақпан 2017 — 5 сәуір 2019 | |||||||||
| Ізашары | Кемелбек Ойшыбаев | ||||||||
| Ізбасары | Ләззат Танысбай | ||||||||
| |||||||||
| 16 қазан 2014 — 14 ақпан 2017 | |||||||||
| Президент | Нұрсұлтан Назарбаев | ||||||||
| Ізашары | Болат Сұлтанов | ||||||||
| Ізбасары | Зарема Шаукенова | ||||||||
| |||||||||
| 6 қараша 2008 — 29 тамыз 2013 | |||||||||
| Ізбасары | Болат Берсебаев (м.а.) | ||||||||
| Төраға | Нұрсұлтан Назарбаев | ||||||||
| |||||||||
| 13 ақпан — 6 қараша 2008 | |||||||||
| Президент | Нұрсұлтан Назарбаев | ||||||||
| Ізашары | Ардақ Досжан | ||||||||
| Ізбасары | Дархан Мыңбай | ||||||||
| Өмірбаяны | |||||||||
| Партиясы | Аманат | ||||||||
| Білімі | 1. Ақтөбе мемлекеттік университеті 2. Қазақ мемлекеттік университеті | ||||||||
| Мамандығы | тарих және география пәнінің мұғалімі, саясаттанушы | ||||||||
| Дүниеге келуі | 26 мамыр 1976 (49 жас) Ақсукент, Сайрам ауданы, Шымкент облысы, Қазақ КСР, КСРО | ||||||||
| Әкесі | Тынымбай Қарин | ||||||||
| Марапаттары |
| ||||||||
өңдеу  |
|||||||||
.svg)
.png){kind=logo}
Ерлан Тынымбайұлы Қарин (26 мамыр 1976, Ақсукент, Сайрам ауданы) — қазақстандық саясаттанушы, мемлекет және қоғам қайраткері, 2022 жылдан бастап Мемлекеттік кеңесші. «Қазақстан» телерадиокорпорациясының бұрынғы басшысы (2017—2019). Саясаттану ғылымдарының кандидаты. «Жусан» операциясына қатысушылардың бірі.
Өмірбаяны
[өңдеу | қайнарын өңдеу]Ерлан Қарин 1976 жылы 26 мамырда Шымкент облысы, Сайрам ауданы, Ақсукент ауылында дүниеге келген. Байұлы тайпасының Адай руынан шыққан.[1] Балалық шағын Ақтөбе қаласында өткізген.[2]
1997 жылы Қ. Жұбанов атындағы Ақтөбе мемлекеттік университетін тарих және география пәнінің мұғалімі мамандығы бойынша оқыған. 1999 жылы әл-Фараби атындағы Қазақ ұлттық университетінің Философия және саясаттану факультетінің аспирантурасын тәмамдаған. Саясаттану ғылымдарының кандидаты (диссертация тақырыбы: «Қазақстан Республикасының ұлттық қауіпсіздігіндегі ішкі саяси аспектілер»).
1996—1998 жылдары Ақтөбе қаласындағы №33 орта мектепте тарих және география мұғалімі, Қ. Жұбанов атындағы Ақтөбе мемлекеттік университетінде саясаттану кафедрасында оқытушы болған. Жоғары оқу орнында оқыған кезінде баспасөзде белсенді жұмыс істеді: «Ақтөбе университеті» газетінің бас редакторы, «Диапазон» және «Время по...» газеттерінің саяси шолушысы болды.[3]
1998—2000 жылдары Қазақстанның даму институтының Саяси зерттеулер орталығында қызметкер, Мәскеу әлеуметтік институты Алматы филиалының проректоры, Ресей және Қытай институты директорының орынбасары болды.
2000—2003 жылдары Орталық Азия саяси зерттеулер агенттігінің директоры қызметін атқарды. Оған қоса 2002—2003 жылдары Қазақстан Премьер-Министрі Иманғали Тасмағамбетовтің штаттан тыс кеңесшісі болды.
2000 жылдардың басында «Хабар» арнасында «Халықаралық шолу» бағдарламасын жүргізген, сол жерден өмірлік жарын жолықтырған. [4]
2003—2004 жылдары Республикалық «Асар» партиясының төрағасы Дариға Назарбаеваның бірінші орынбасары және Заманауи саясат халықаралық институтының бас директоры болды.
2004—2006 жылдар аралығында Антитеррорлық бағдарламалар орталығының жетекшісі, Қырғызстан жөніндегі сарапшылар тобының жетекшісі болды.
2006 жылдан 2008 жылға дейін Маңғыстау облысының әкімі Қырымбек Көшербаевтың қоғамдық және саяси мәселелер жөніндегі кеңесшісі болды.
2008 жылғы ақпан айында президент Нұрсұлтан Назарбаевтың өкімімен Президент әкімшілігі Ішкі саясат бөлімінің меңгерушісі болып тағайындалды.
2008 жылғы қараша айында партия төрағасы Назарбаевтың қаулысымен «Нұр Отан» партиясының стратегиялық даму жөніндегі хатшысы болып тағайындалды. Бұл лауазымды 2013 жылғы тамыз айында шетелдік тағылымдамаға кеткенше атқарды.
2013—2014 жылдары АҚШ-тағы Вашингтон Университетінің арнайы шақырылған профессоры болды.
2014 жылғы 16 қазан күні Қазақстан Президенті жанындағы Стратегиялық зерттеулер институтының директоры болып тағайындалды.[5]
2017 жылы 9 ақпанда елдің ең басты мемлекеттік медиа холдингі «Қазақстан» РТРК» акционерлік қоғамының Басқарма төрағасы болып тағайындалды.
Қарин 2019 жылғы қаңтар-маусым аралығында Қазақстанның ұлттық қауіпсіздік қызметі Сирияда өткізген «Жусан» атты құпия операцияға қатысты.[6] 2020 жылы аталған операция туралы Қариннің «Жусан» операциясы: Сириядан кімді және неге қайтарды?» атты кітабы жарық көрді.
2019 жылы 5 сәуірде Қазақстан Президенті Қасым-Жомарт Тоқаевтың кеңесшісі, 2020 жылы 30 шілдеде президент Тоқаевтың саяси мәселелер жөніндегі көмекшісі қызметіне тағайындалды.[7] 2019 жылғы 17 шілдеде Президент жанынан Ұлттық қоғамдық сенім кеңесі құрылып, Қарин 2022 жылға дейін кеңестің хатшысы болды.[8]
2022 жылғы 5 қаңтарда зейнетке шыққан Қырымбек Көшербаевтың орнына Қазақстанның Мемлекеттік хатшысы болып тағайындалды.[9] Сол жылғы 14 маусымнан бастап — Қазақстанның Мемлекеттік кеңесшісі.[10] 2022 жылғы 15 маусымда Президент жанындағы Ұлттық қоғамдық сенім кеңесінің орнына Ұлттық құрылтай құрылып, Қарин құрылтай төрағасының орынбасары болды.[11] 2025—2026 жылдары Парламенттік реформа жөніндегі жұмыс тобына жетекшілік етті.[12] 2026 жылы ол Конституциялық реформа жөніндегі комиссия төрағасының орынбасары болды.[13]
Жеке өмірі
[өңдеу | қайнарын өңдеу]Үйленген, әйелі Зүлфия Дидахметқызы Қарина (1975 жылы туған, тумысында Әшімханова) — жазушы Дидахмет Әшімханұлының қызы.
6 баласы бар: қыздары — Айжан (2001 жылы туған), Әмина (2002 жылы туған), Зере (2010 жылы туған), Мәриям мен Сафия (2016 жылы туған) және ұлы — Бекназар (2005 жылы туған).
Әкесі Тынымбай Төлепбайұлы Қарин (1941 жылы туған) — жазушы. Анасы Несіпкүл Бадаубекқызы Қарина (1952 жылы туған).
Бауырлары: ағалары Шоқан (1971 жылы туған) мен Бектұрған (1973 жылы туған, дәрігер) және қарындасы Айнаш (1978 жылы туған, дизайнер).
Кітаптары
[өңдеу | қайнарын өңдеу]Төмендегі кітаптардың авторы:
- Балбалтас. Орхоннан Каспийге дейін (2013)
- Солдаты Халифата: Мифы и реальность (2014)
- «Successor or Succession?» Transferring power in Kazakhstan (2014)
- Между ИГИЛ и Аль-Каидой: центральноазиатские боевики в Сирийской войне (2017)
- Операция «Жусан» (2020)
- Сводный каталог картографических материалов по истории Казахстана XVII - начало XX вв. (2023)
- От Cassackia до Казахстана: локализация Казахстана на европейских, российских и азиатских картах XVI — первая половина XIX века (2024)
Фильмдері
[өңдеу | қайнарын өңдеу]- Тар заман
- 16 дней декабря
- Тұзақ. История одной авантюры
Марапаттары
[өңдеу | қайнарын өңдеу]«Құрмет» орденімен (2010 жылы), ІІ дәрежелі «Достық» орденімен (2019 жылы), «Қазақстан Республикасының Қарулы Күштеріне 20 жыл» (2012 жылы), «Қазақстан Республикасының Прокуратурасына 25 жыл» (2016 жылы) мерейтойлық медальдарымен және Қазақстан Республикасының Ұлттық қауіпсіздік комитетінің «Ұлттық қауіпсіздікті қамтамасыз етуге қосқан үлесі үшін» (2019 жылы) медалімен марапатталған.[3]
Дереккөздер
[өңдеу | қайнарын өңдеу]- ↑ Каков истинный потенциал директора КИСИ Ерлана Карина?.
- ↑ Ерлан Қариннің Instagram желісіндегі жазбасы
- ↑ a b Ерлан Тынымбайұлы Қарин
- ↑ «Хабарға 30 жыл» деректі фильмі
- ↑ Ерлан Қарин Қазақстан стратегиялық зерттеулер институтын басқаратын болды
- ↑ Ерлан Қарин "Жусан" операциясы туралы кітап жазды
- ↑ Ерлан Қарин жаңа қызметке тағайындалды
- ↑ Ерлан Қарин Қоғамдық кеңестің Жер комиссиясынан қандай айырмашылығы бар екенін айтты
- ↑ Ерлан Қарин ҚР Мемлекеттік хатшысы болып тағайындалды
- ↑ Ерлан Қарин ҚР Мемлекеттік кеңесшісі лауазымына тағайындалды
- ↑ Қазақстан Республикасы Президентінің жанындағы Ұлттық құрылтайды құру туралы
- ↑ Парламенттік реформа жөніндегі жұмыс тобы құрылды: оның құрамына кім кірді
- ↑ Конституциялық реформа жөніндегі комиссияны (Конституциялық комиссия) құру туралы
- 26 мамырда туғандар
- 1976 жылы туғандар
- Алфавит бойынша тұлғалар
- Сайрам ауданында туғандар
- Құрмет орденінің (Қазақстан) иегерлері
- Достық орденінің иегерлері
- 2 дәрежелі Барыс орденінің иегерлері
- Астанаға 10 жыл медалінің иегерлері
- Қазақстан Республикасының тәуелсіздігіне 20 жыл медалінің иегерлері
- Қазақстан Республикасының Қарулы Күштеріне 20 жыл медалінің иегерлері
- Қазақстан Республикасының тәуелсіздігіне 25 жыл медалінің иегерлері
- Ұлттық қауіпсіздікті қамтамасыз етудегі үлесі үшін медалінің иегерлері
- Ақтөбе мемлекеттік университеті түлектері
- Әл-Фараби атындағы Қазақ ұлттық университеті түлектері
- Саясаттану ғылымының кандидаттары
- Қазақстан саясаттанушылары
- Қазақстан Қарулы күштеріне 20 жыл медалінің иегерлері
- Аманат партиясының мүшелері
- Қазақстан телерадиосы тұлалары
- Қазақстан мемлекеттік хатшылары