Ермек Бектасұлы Шынарбаев

Уикипедия — ашық энциклопедиясынан алынған мәлімет
Jump to navigation Jump to search
Ермек Бектасұлы Шынарбаев
Жалпы мағлұмат
Туған күні

24 қаңтар 1953(1953-01-24) (66 жас)

Туған жері

Алматы

Мамандығы

кинорежиссер

Марапаттары
Қазақстанның еңбек сіңірген қайраткері

Ермек Бектасұлы Шынарбаев (24 қаңтар 1953 жылы туған, Алматы) - кинорежиссер, Қазақстанның еңбегі сіңген қайраткері (1996).

Өмірбаяны[өңдеу]

  • Бүкілодақтық кинематография институтын актерлік (1974), режиссерлік (1982) бөлімдерін бітірген.
  • 1974 - 1977 жылдары "Қазақфильм" киностудиясында актер болды.
  • 1981 жылы алғашқы қысқаметражды "Қаралы сұлу" көркем фильмін түсіріп, ол "Бастау" республикалық бәйгесінде Бірінші жүлдені иеленеді.
  • 1990-жылдары Шынарбаев "Қазақфильм" киностудиясының "Әлем" шығармалық-бірлестігінің көркемдік жетекшісі болды.

Режиссурасы[өңдеу]

  • «Әпкем менің Люся» (1985)
  • «Орманнан алаңға шығу» (1987)
  • «Кек» (1989)
  • «Сұр үш сайлы баскиімдегі орын» (1992)
  • «Нәзік жүрек» (1993)
  • "Мәжит Бегалин" (Оразбаевпен бірге, 1982)
  • "Жаңа толқын" (1985)
  • «Періштеге жазылған хаттар» (2009) және көптеген тағы басқа көркем фильмдердің;
  • 20-ға жуық деректі фильмнің, оның ішінде
    • «Рояль жанындағы монологтар»
    • «Дуэт»
    • «Прованс күнделігінен» фильмдерінің режиссері.[1]

Қоғамдық қызметі[өңдеу]

Қазақстан Кинематографистер одағының мүшесі (1986 жылдан).

Жетістіктері[өңдеу]

  • «Жігер» шығармашылық жастар байқауының лауреаты (1983).
  • «Орманнан алаңға шығу» кинофильмі үшін Халықаралық кино байқауындағы (Амьен қаласы, Франция, 1987) сыйлық, А. Ланглуа атындағы Халықаралық кино байқауындағы (Тур қаласы, Франция, 1992) Халықаралық мәдениет, өнер мен киноның дамуына көмек көрсету ұйымы СИДАЛК сыйлығының, Халықаралық кино байқауындағы «Алтын қабылан» сыйлығының (Локарно қаласы, Швейцария, 1993) және тағы басқа жүлделердің иегері.

Отбасы[өңдеу]

  • Әкесі - Шынарбаев Бектас (1906-1983). Анасы - Ұсманова Күзи (1921 жылы туған).
  • Бойдақ.[2]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8