Ермек Өтетілеуұлы

Уикипедия — ашық энциклопедиясынан алынған мәлімет
Jump to navigation Jump to search

Өтетілеуұлы Ермек1938 жылы 1 каңтарда Ақмола (қазіргі Астана) қаласында туған.[1].

1957 жылы Алматыдағы Абай атындағы педагогтік институтыңың филология факультетіне оқуға түседі, кейін орыс тілі мен әдебиеті пәні мұғалімінің мамандығын алып шығады. 1962—1964 жылы Целиноград (қазіргі Ақмола облысы) Қорғалжын аудандық "Шамшырақ нұры" газетінде қызмет істеген. 1964—1974 жылы республикалық "Балдырған" журналында, 1974—1976 жылы "Жазушы" баспасында редактор, 1976 жылдан жаңадан ашылған "Жалын" баспасында аға редактор, редакция меңгерушісі болып қызмет атқарады, кейін балалар әдебиеті баспасы — "Балаусада" еңбек етеді. Осы үш көркем әдебиет баспаларында жиырма жылдан астам уакыт жұмыс жасаған баспагердің көлынан жүздеген жинақтар мен жеке кітаптар редакцияланып, оқырман қауымға жетеді. Ақынның шығармашылығы бірыңғай балаларға арналғандықтан, оның редакторлық қызметі де жас оқырмандар үшін жазылған көркем әдебиетпен тікелей байланыста болады.

"Баспа және полиграфия ісінің қайраткері" құрмет белгісімен марапатталған.

Тәжірибелі де, ыждаһатты редактордың еселі еңбегі еленіп, "1976 жылғы социалистік жарыс жеңімпазы" атты белгімен, ал 1988 жылы ұзақ жылғы қажырлы қызметі үшін "Еңбек ардагері" медалімен марапатталады. 1977 жылы "Жалын" баспасының үздік редакторы аталады. Өзінің жеке шығармашылығына қосымша редактор жазушының құрастыруымен 1984 жылы "Жалын" баспасынан орыс тілінде "Мир вокруг нас" атты қазақ жазушыларының табиғат туралы әңгімелері және ақын Г.Брейгинмен бірлесіп, орыс тіліне қазақтың кейбір күлдіргі әңгімелерін жинап, аударып басып шығарады. Ал 1994 жылы "Балауса" баспасынан халқымыздың ауыз әдебиеті үлгілерінен және бұрынғы-соңғы қазақ ақындарының мектеп жасына дейінгі балалардың және оқушылардың жаттап алуына лайықты деген өлеңдері мен тақпақтары енген, оқырмандар жасына орай: "Балдырғандар үшін", "Естиярлар үшін", "Ересектер үшін" деп аталып, үш бөлімнен тұратын "Жаттамақтар" деген көлемді жинақты құрастырады. 1987 жылдан бастап, "Жалын" баспасында "Қазақ балалар әдебиетінің кітапханасы" сериясы ашылады. Осы серияның бірінші томы "Асыл сөз" атты жинақтың ("Жалын" — 1987), одан кейін көптеген кітаптардың редакторы болады. "Асыл мұра" атты айдармен "Жалын" баспасынан шыққан, балаларға лайықталып әңгімеленген халық дастандары "Алпамыс батыр" (1979) және "Қобыланды батыр" (1983) кітаптарын саралайды. "Ерте, ерте, ертеде..." (Элем халықтарының ертегілерінен. "Жалын" — 1984); "Бесік жыры" (Өлеңдер. "Жалын" — 1989); "Қазақ совет балалар жазушылары" (Шығармашылық өмірбаян. "Жалын" 1990); "Шынашак" (Қазіргі қазақ балалар поэзиясының антологиясы. "Балауса"— 1991), осылармен бірге "Жазушы" баспасынан бастау алып, кейін "Жалын", "Балаусада" жалғастырылған, жыл сайын жарық көріп тұрған балаларға арналған әдеби календарь "Жыл он екі айдың" бірнеше кітабына да сарашы болғанын атап кету керек.

Белгілі баспагер Е.Өтетілеуұлының сапалы сарашылдығымен көптеген ақын, жазушылардың балаларға арналған алғашқы туындылары да аталмыш баспалардан әр жылдары тұңғыш рет жарық көргенін де ескермесе болмайды (мысалы, ол авторлар: Ә.Қалиев, Т.Алшынбаев, Б.Кірісбаев, О.Акыпбеков, Б.Әділов т.б.).

Дереккөздер[өңдеу]

  1. Қазақстан баспагерлері мен полиграфистері. Анықтамалық. Алматы, "Білім" баспасы. 2005 жылы — 576 бет.ISBN 9965-09-134-Х