Еріншектер

Уикипедия — ашық энциклопедиясынан алынған мәлімет
Jump to navigation Jump to search

Еріншіктер (Bradypodidae) — мүкітістілер тұқымдастарына жатады. Дене ұзындығы 50—65 см. Басы 270° бұрылады. Алақандары мен табандары енсіз, қисық. Толығымен тұтасып біткен саусақтарының, (2 немесе 3) тұяқтары ұзын, кисық. Дене түгі, (жүні) қарнынан арқасына қарай бағытталып орналасқан. Қоршаған ортаның температурасына байланысты, дене температурасы 24°—тан 35° дейін өзгеріп тұрады. Орталық және Оңтүстік Америкада, Гондурастан оңтүстікке қарай, Бразиялия, Парагвай, Аргентинаның солтүстік бөлігін қоса, 2 туыс, 5 түрі таралған. Баяу қимылды, ағашта тіршілік ететін жануарлар, арқасын жерге қаратып, ағаш бұтақтарында салбырап тұрады.Өсімдікпен қоректенеді. Ұрғашылары жылына бір бала табады. Қарғыбаулы Е.м„ ХТҚО—нің Қызыл кітабына енгізілген.[1]

Дереккөздер[өңдеу]

  1. Орысша-қазақша түсіндірме сөздік: Биология / Жалпы редакциясын басқарған профессор Е. Арын – Павлодар: 2007 - 1028 б. ISBN 9965-08-286-3