Есберген Іңірбайұлы

Іңірбаев Есберген Іңірбайұлы (1950 жылдың 22 қарашасы күні дүниеге келген) – журналист.

Өмірбаяны

Есберген Іңірбайұлы Түрікменстан облысы, Красноводск ауданы, Қашоба ауылында 1950 жылдың 22 қараша күні дүниеге келген. 1978 жылы ҚазМУ-дің журналистика факультетін, 1988 жылы Ташкент Жоғ. Партия мектебін бітірген.

Карьера

1968-86 ж. Красноводск ауданында қазақ тілінде шығатын “Жұмысшы” газетінің әдеби қызметкері, тілшісі, бөлім меңгерушісі, жауапты хатшысы, редакторының орынбасары болып жұмыс істеді. 1987-93 ж. газеттің редакторы, 1993-94 жылдары Маңғыстау облысының архивінің бас маманы қызметтерін атқарды. Ал 1994 жылдан бері облыстық телерадио компаниясы төрағасының орынбасары болып жұмыс атқарып келеді.

Сіңірген еңбектері

Іңірбаев Есберген І. Бөкенбаевтың “Тоғыз қайық” (Алматы, 1991), “Тоқабай Құрмаш” (Ақтау, 1994), “Боздақтар” (Алматы, 1995) кітаптарын құрастырған. Ол журналистика жанрларының әр алуан саласында 500-ден аса материал жариялаған. 1981 жылдан бері Журналистер одағының мүшесі.

Марапаты

Ол кісі 1977 жылы Түрікменстан Компартиясы Орталық комитетінің мерекелік Құрмет грамотасымен марапатталған

Дереккөздер

Маңғыстау энциклопедиясы