Еселі қатынас заңы
Еселі қатынас заңы- кейбір элементтер қосылысқанда бір ғана емес, бірнеше қосылыс түзеді, демек бұл қосылыстарда ол элементтердің салмақ мөлшерлері де әр түрлі қатынаста болады. Мысалы, сутек пен оттек екі қосылыс - су және сутектің пероксиді түзеді. Мыс оттекпен екі қосылыс - қара түсті мыс (ІІІ) оксиді және қызыл түсті мыстың (І) оксидін түзеді. Осы сияқты басқа көп мысалдар келтіруге болар еді. Осы қосылыстардағы элементтердің салмақ мөлшерлері қандай қатынаста болатынын қосылыстардың құрамы мен салмақ құрамынан көруге болады. Қосылыстардағы салмақ мөлшерлерінің қатынасына қарап Дальтон (1803 ж.) мынадай қортытындыға келген: Екі элемент бірімен-бірі бірнеше қосылыс түзетін болса, ол қосылыстарда , сол элементтердің біреуінің бірдей етіп алынған салмақ бөлігіне екіншісінің сай келетін салмақ бөліктерінің өзара қатынасы, кішкене бүтін сандар қатынасындай болады. Бұл еселі қатынас заңы деп аталады.
Дереккөздер[өңдеу | қайнарын өңдеу]
Жалпы химия кітабы, 1992 жыл Алматы, 23 бет , Н.Нұрахметов, Б.Бірімжанов