Есеп айырысу құжаттары

Уикипедия — ашық энциклопедиясынан алынған мәлімет
Jump to navigation Jump to search

Есеп айырысу құжаттарыкәсіпорындардың, бірлестіктердің, ұйымдардың, мекемелердің босатылған (жөнелтілген) тауар-материалдық құндылықтар, орындалған жұмыстар мен көрсетілген қызметтер үшін, сондай-ақ басқа да төлемдер бойынша ақшалай қаражатты қолма-қол ақшасыз есеп айырысу тәртібімен аудару жөніндегі жазбаша түрде ресімделген талаптары немесе тапсырмалары. Негізгі есеп айырысу құжаттары – төлем тапсырмасы, талап-тапсырма, аккредитив ашуға өтініш, есеп айырысу чегі, инкассалық тапсырма. Төлем тапсырмасы – қолма-қол ақшасыз есептесу жөніндегі негізгі құжат, төлемшінің банкіге өзінің шотынан белгілі бір соманы алушының шотына аудару туралы тапсырмасы. Талап-тапсырма – қаражат алушының төлемшіге банк арқылы белгілі бір соманы төлеу туралы талабы. Аккредитив ашу туралы өтініш – төлемшінің есептесудің аккредитивтік нысанында аккредитив есебінен жөнелтілетін тауарлардың ақысын төлеу үшін сатушының банкісіндегі жеке шотқа өзінің шотынан аккредитив сомасын депозиттеу туралы тапсырмасы. Есептесу чегі – чек берушінің банкіге өзінің шотынан белгілі бір соманы чек ұстаушының шотына аудару туралы тапсырмасы. Барлық есеп айырысу құжаттары бойынша ақшалай сома төлемшінің шотынан есептен шығарылғаннан кейін алушының шотына есептеледі. [1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том