Есеп беру картасы

Есеп беру картасы — белгіленген уақыт кезеңіндегі әз әскерлерінің (күшінін) және қарсыластың ұрыс қимылының барысы графикалық түрде хронологиялық жүйелілікпен көрсетілген ұрыстық ақпараттык есеп беру құжаты. Көптеген мемлекеттердің қарулы күштерінің бөлім, бірлестік, құрама штабтарында жүргізіледі. Есеп беру картасы әскерлердің (күштердің) жауынгерлік тәжірибесін зерттеуге және талдап қорытуға, ұрыстық қимылдар туралы анықтама және есеп беруді құруға арналады және тарихи материалдарды жасауда қолданылады. Есеп беру картасына төмендегілер түсіріледі: операция (ұрыс) барысындағы өз әскерлерінің (күшінің) және қарсыластың жағдайлары туралы талдап корытылған мәліметтер; ез бірлестігінің (құрамасының, бөлімінің) және қоса берілген, сүйемелдеуші әскерлердің (күштің) және көршілердің жауынгерлік міндеттері; қойылған жауынгерлік міндеттерді орындаудағы өз әскерлерінің (күштерінің) және көршілердің іс-қимылын және жеткен жетістіктері; қарсыластың іс-қимылдары. Ұрыстык, қимыл жүргізу кезінде жаппай жою каруы қолданылғанда есеп беру картасы, сондай-ақ екі жақтың ядролық соққы беруі, олардың әскерлері және басқалары залалдаған, киратқан аймақтары да көрсетіледі.