Есік қаптау

Есік қаптау. Жылылыққа және дыбыс өткізбес үшін есіктерді жұмсақ материалмен, әдетте мақта, поролон салып қаптайды, жылу өткізбейтін материалдық үстінен клеенка, дерматин немесе пластик жабады. Қаптауға арналған материалды есіктің көлеміне сәйкес (білікті, топса саңылауларын қоса жабатындай етіп сәл артықтау (12—15 см) кесіп алады. Есікті топсалан бөлек алып, тұтқаларын, құлпы және кілтке арналған жапсырмаларды бұрандасынан шығарын, орындыққа немесе табуреткаға қояды. Қаптайтын материалды (сыртын төмен қаратып) тұтқа жағынан есікті бойлай төсейді, оның жиегі есіктің қырынан 1 сантиметрдей артылуы тиіс. Материалды керіп тұрып, мүмкіндігінше есіктің қырына тақау жіңішке шегемен арасын 4—5 см етіп қағады. Бұдан соң материалды есіктің үстіне аударып (бұл кезде оның сыртқы беті жоғары қарайды) біркелкі кере отырып, тағы да сол тұтқа жағынан бастап (5 см қашықтау) жалпақ басты арнайы жасалған сәнді шегелермен арасын 5—10 см етіп қағу керек. Осыдан кейін қаптағыш материалды қайырып, есікке дыбыс өткізбейтін материалды қабаттан төсейді, бетін қаптағыш материалмен жабады. Қаптайтын материалды есіктің көлденең бойымен қатты керіп тұрып, арнаулы шегелермен есікті бойлай (енді топса жағынан бастап) қарады. Қаптайтын материалдық жиегін есіктің сыртқы жағына орайлы немесе тұтқа тұсындағыдай етіп, қайырып жіңішке шегемен шегелейді. Жоғарғы және төменгі жағын да осылай бекітеді. Қаптайтын материалды төсегенде шегелерді қатары есіктің барлық жағында бірдей қашықтықта жататындай етіп қағу керек. Қаптайтын материал есіктің көлденең бойымен немесе басқа да жағдайлармен сырғымауы үшін, жәй шегелермен таспа белбеулер қағылады. Тығыз етіп оралған, диаметрі 2—2,5 см белдікшелерді, есікті жауып тұрып, жәй шөгел ермен ұстатады. Алайда, оның өзі есіктің қай жаққа яғни ішке немесе сыртқа қарай ашылуына байланысты қағылады. Төменгі белдікшені екі жағдайда да еденге тимейтіндей — әдетте еденнен 2 см жоғары етіп есіктің өзіне бекіту керек. Егер есік ішіне қарай ашылатын болса, онда белдікшелер төрт жағынан да қағылады, мұнда жоғарғы және екі жақ бүйірдегі белдікшелерді есіктің қорабына қарады. Ал егер есік сыртқа қарай ашылатын болса, белдікшелер үш жағынан жоғарғы, төменгі және бүйір, яғни тұтқа жағынан бекітіледі; мұндай жағдайда белдікшелердің бәрі де есіктің өзіне шегеленеді.