Есімғали Үмітбайұлы Жұманов

Есімғали Үмітбайұлы Жұманов

Есімғали Үмітбайұлы Жұманов (23.11.1946, Солтүстік Қазақстан облысы, Жамбыл ауданы, Калиновка ауылы) - суретші-кескіндемеші. Қазақ.

Еңбек жолы

• В.И. Суриков атындағы Мәскеу мемлекеттік керкемсурет институтының кескіндеме факультетін бітірген (1981), суретші-кескіндемеші.
• 1981 жылдан - Н.В. Гоголь атындағы Алматы көркемсурет училищесінің арнайы пәндер оқытушысы.
• 1991-2009 жылдары - арнайы пәндер оқытушысы, станок кескіндемесі кафедрасының меңгерушісі, шеберхана жетекшісі, Т. Жургенов атындағы Қазақ ұлттық өнер академиясының профессоры.
• 2010 жылдан бері - О. Таңсықбаев атындағы Алматы сәндік және қолданбалы өнер колледжнің арнайы әндер оқытушысы.

Шығырмашылығы

Портрет, пейзаж, мистикалық сюрреализм жанрларында жұмыс істейді.

• «Арбаның ұзақ кеңістігі» (1998)
• «Түркістан-Иассауи нұры» (2005)
• «әл-Фараби - Отырар кітапханасы» (2005)
• «Еділ мен Рим қасқыры - XXI ғасыр» (2008) жұмыстарының авторы.

Шығармалары «Қазақстан мәдениеті» көрмесінде (Париж, Франция, 1998); Дүниежүзілік мұсылман елдері кермесінде (Тегеран, Иран, 2000); Суретшілер одағының халықаралық конфедерациясы көрмесінде (Мәскеу, РФ, 2000); «Еуро-Азия» 2-ші халықаралық байқауында (Магдебург, Германия, 2001); «Астана-Бәйтерек» конкурстық көрмесінде (Астана, Қазақстан, 2005); «Бақтағы кездесулер» халықаралық көрмесінде (Бішкек, Қырғызстан, 2007); ШЫО халықаралық көрмесінде (Пекин, Қытай, 2009); ARTEXPO-2009 еуропалық көрмесінде (Осло, Норвегия, 2009) қойылған. Туындылары Ә. Қастеев атындағы Мемлекеттік енер мұражайында, «Ақ Орда» ҚР Президентінің резиденциясында, шетелдегі жеке коллекцияларда сақталуда.

Қоғамдық қызметі

• КСРО және ҚР Суретшілер одағының мүшесі (1981 жылдан).
• ҚР Суретшілер одағының басқарма мүшесі (1998-2010); хатшысы (1998-2009).
• ЮНЕСКО жанындағы «International Association of Art» мүшесі.
• 808.kz клубының және «Қазақстанның даңқ залының» мүшесі (2009 жылдан).

Марапаттары

• ҚР Білім беру үздігі (1998).
• Мәдениет қайраткері (2001).
• Каспий маңы республикаларының аймақтық кермесінің (1989) дипломы
• Қазақстан халқы ассамблеясының (2007) дипломы;
• «Арнайы пәндер оқытушысы» құрметті грамотасын (1990).

Отбасы

• Әкесі - Жұманов Үмітбай. Анасы - Жұманова Айтжан.
• Үйленген. Жұбайы - Аушина Қуаныш Шәйкенқызы, дәрігер-педиатр.
• Ұлдары - Алмат, Дәуір, Төлеген Жұмановтар.