Еуропалық лангуст

Еуропалық лангуст - бақалшықсыз жоғары шаяндар отрядына жататын шаян. Денесі тек екі бөліктен - баскеуде және құрсақтан құралады. Денесін қозғалысқа келтіретін бұлшық етті аяғы басында орналасқан. Ертеде лангуст қазіргідей таңсық тағам саналмайтын. Лангуст жеу кедейліктің белгісі болатын. Айлақты қалалардан алыс жерлерде лангусты консерві қалбырына салып сататын. Лангустың басында екі жұп мұрты болады, аяқтары ілмек тәрізді. «Терең судағы лангуст» - Жерорта теңізінде ауланатын лангуст. Оның еуропалық лангуст, жерортатеңіздік омыртқалы лангуст және қызыл лангуст деген қосымша атаулары бар. Лангуст жартасты теңіз жағауларын мекен етеді. Лангусттың қысқыш аяқтары болмайды, бірақ мұрттары өте ұзын келеді. Кейде денесінен екі есе ұзын болады. Түнге қарай белсенділігі артып, кішкентай құрттармен, таңқышаяндармен, жануарлардың өлексерлерімен қоректенеді. Күндіз тастардың арасындағы қуыстар мен үңгірлерде жасырынып жатады. Қуыстан тек мұртының ұшын шығарып, айналада болып жатқан құбылыстарды бақылап отырады. Лангусттың денесі қатты хитин қабығынан тұрады, бұл оны жыртқыштардан қорғайды. Ірі лангусттың денесінің ұзындығы 60 см-ге дейін барады. Ол семіз, ауыр денелі болғандықтан, салмағы 8 келіге дейін тартады. Ең ірі популяциясы Шотландияның батыс жағалауында, Англияның оңтүстік-батыс жағалауында, Уэльсте және Ирландияның батыс жағалауында таралған. Лангуст, сондай-ақ он аяқты шаяндар тұқымдасына жатады.