Жазу және баспа ісіндегі өнертабыс
Адамдар әу бастан біреумен сөйлесуге, әңгімелесуге мұқтаж. Сондықтан да олар бір-бірімен пікір алмасуға мүмкіндік беретін жолдарды іздестірді, қарым-қатынастың жаңа әдістерін ойлап тапқылары келді. Сонау көне замандардың өзінде-ақ адамдар арасындағы байланысты ұстап тұру үшін жазу өнері қолданылды. Көне мысырлықтар сияны қоңыздардан жасаған. Қағаз орнына жапырақтарды пайдаланған. Жер бетінің көп бөлігінен жартастарға қашалған сансыз жазулар табылды. Б.з. 105 жылында қытай шенеунігі Цай Лунь қағазды ойлап тапты. Ертедегі адамдар кітаптарды қолмен жазатын. Ол көп уақытты талап ететін, жалықтыратын жұмыс еді. Кітаптар өте аз жазылғандықтан, қолда бары өте қымбатқа сатылатын. Дәулетті адамдардың ғана кітап сатып алуға шамасы келетін. Ертедегі баспадан шыққан жұмыстар Жапониядан табылды. Олар б.з. 764-770 жылдардың мұрасы болып саналады. Неміс зергері Йоганн Гутенберг кітап басуға алғаш рет жылжымалы құйма әріптерді пайдаланды. Кітап басып шығару мүмкін болғаннан бастап, адамдардың жазуға және оқуға деген ынтасы артты. Баспадан шыққан әріптер біркелкі, оқуға жеңіл әрі көзге сүйкімді көрінетін. Баспа ісі дамыған соң кітаптардың құны арзандап, адамдар іздеген шығар маларын тез табатын болды.
Дереккөздер[өңдеу | қайнарын өңдеу]
Балаларға арналған танымдық энциклопедия "Ұлы өнертабыстар"