Жайдарман

Уикипедия — ашық энциклопедиясынан алынған мәлімет
Jump to navigation Jump to search

Жайдарман

«Болашағын бүгіннен бастаған» еліміздің ең көңілді жастары ерке Есілдің жағасында тағы да бас қосты. Алып даланың түкпір-түкпірінен топ жарған өрендердің барлығы дерлік дүбірлі додаға үміттерін үкілеп, үздіктерін сайлап келгендері салған беттен көрініп тұр. Әдеттегі әзіл-сықақ ойындарының көпшілігі жеңіл сөзге жел беріп, арзан ойды оранып тұратын болса, бұл жолғы ойын мүлде бөлек бағытта өрбіді. Астана қаласы әкімінің кубогын сарапқа салуға сапқа тұрған әзіл сайыпқырандары 16 топта өнер көрсетті. Осы кезге дейін көңілді тапқырлар клубы атанып келген бұл отау енді өз атауын «Жайдарман» деп ауыстырды. Санамызға КВН болып сіңіп кеткен қасаң қағиданы жанға жағымды естілетін қазақы есіммен ауыстырған әзілқойларға көрермен мен тыңдарманның айтар алғысы шексіз. Астана әкімінің кубогын алуға ниет еткендердің ішінде оймақтай ойымен, ұтымды әзілімен, сүбелі сөзімен жұртшылық жадында қалған, қазылар алқасының көңілінен шыққан ерекше топтар бәсеке шартына сәйкес бірі жеңімпаз, біреулері жүлдегер атанды. Жалпы есептік қорытынды бойынша он алты команданың ішінен суырылып алға шыққан Қостанай құрамасы мен Астананың «Нұр-Күлтегін» командалары тұғырдың үшінші сатысына тұрақтаса, екінші орынды жаркенттік «Бес саусақ» пен семейлік «Жаным» командалары өзара бөлісті. Ал бас жүлдені яғни Астана қаласы әкімінің кубогын қызылордалық «Арал-АС» әзілқойлары қанжығасына байлады.

Ерлан МАЛАЕВ, әнші, қазылар алқасының мүшесі: Шын мәнісінде бүгін жақсы ойын болды. Барлық ойыншыларға айтар алғысым үлкен. Өте жас командалар көп келді бұл ойынға. Сахнада шыңдалған шынайы өнерпаздар көрінбегенімен, бұл ойынның да өз жаңалығы бар. Мәселен, «Арал-АС», «Демеушіміз болашақ», «Тек қана қыздар»,Көз тимесін Орал құрамасының қыз жігіттері өте тартысты ойын көрсете алды. Осы ойыншыларды жайдарманның ертеңгі болашағы деп білемін. Олжас Даукенов