Жалғантүктіаталықты қызғалдақ

Уикипедия — ашық энциклопедиясынан алынған мәлімет
Jump to navigation Jump to search
Жалғантүктіаталықты қызғалдақ
Жалғантүктіаталықты қызғалдақ.jpeg
Ғылыми топтастыруы
Дүниесі: Plantae
Бөлімі: Tracheophyta
Табы: Liliopsida
Сабы: Liliales
Тұқымдасы: Liliaceae
Тегі: Tulipa
Түрі: Tulipa dasystemonoides
Екі-есімді атауы
Tulipa dasystemonoides
Vved.

Биіктігі 7—15 см, пиязшығы жұмыртқа тәрізді, қалыңдығы 1—1,5 см, қара қоңыр, жұқа терілі, ішкі жағы қалың түкті қабықты. Сабағы жалаңаш, жапырақ саны екеу, шамалы жақын орналасқан, қайырылған, жалаңаш, тегіс, сызықты, гүлден едәуір биік, төменгісі жалпақтау, ені 6—12 мм. Гүлі біреу, 2 гүлдісі сирек, гүл серігі ақ (өте сирек сары), ұзындығы 15—25 мм, сыртқысы таспа тәрізді, сырты күлгін, ішкісінен 1,5 есе жіңішке, ішкісі сопақша, түбі ұзын тырнақшаға жіңішкерген және осында кірпікшелі; аталықтары гүл серігінен 2 есе қысқа, олардың жіпшелері сары, түбі түкті, тозаңдықтары сопақша сызықты, ұзындығы 4—5 мм, сүйір ұшы өте қысқа; түйіні аталыққа тең дерлік, едәуір ұзын бағанды. Мамыр—маусым айларында гүлдейді. Қазақстанда таралуы. Эндемик. Таудың альпілік белдеуінде өседі. Батыс Тянь—Шаньда кездеседі. Ескерту: Ақсу—Жабағылы мемлекеттік табиғат қорығында осы түрдің түгел сары түсті формасынан тұратын шағын популяциясы белгілі. [1]

Дереккөздер[өңдеу]

  1. "Қазақстанның қызғалдақтары" энциклопедиясы