Жалған шөлмасақ

Уикипедия — ашық энциклопедиясынан алынған мәлімет
Jump to navigation Jump to search

Жалған шөлмасақ (Pseudoeremostachys) — ерінгүлділер тұқымдасына жататын түйнекті шөптесін өсімдік. Қазақстанда Қаратаудың, Іле, Талас Алатауының тасты баурайларында, асу аңғарларында өсетін бір түрі — Северцов Ж. ш-ғы (P. severzovіі) бар. Биікт. 20 см-дей түйнекті жуан тамырлы өсімдік. Сыртын түк басқан тырбыйған сабағы болады. Жапырақ сағағы ұзын, түкті жапырағы жұмыртқа тәрізді, жиегі тілімденген. Қос ерінді, қою көк не қошқыл қызыл гүлдері (8 — 10) жиналып, жалған күлте бас гүлшоғырын құрайды. Тұқымынан көбейеді. Мамыр — маусым айларында гүлдеп, маусым — шілдеде жемістенеді. Жемісі — төрт қырлы жаңғақша. Северцов Ж. ш-ғы — өте сирек кездесетін, эндемик өсімдік. Қорғауға алынып, Қазақстанның “Қызыл кітабына” енгізілген.[1]

Дереккөздер[өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3