Жамқұршы би

Жамқұршы (т.-ө.ж.б.) — Ноғай ұлысының билеушісі, Едіге бидің 3-шөбересі. Ж. ағасы (кейбір деректерде інісі) Мұса екеуі 15 ғ-дың аяғы мен 16 ғ-дың басында Дешті Қыпшақтың саяси өмірінде елеулі рөл атқарған. Ол Ибақ хан, Жәнібек, Бүреке сұлтандарды бастап, Әбілхайырдың баласы Шейх Хайдар ханға қарсы жорықтар ұйымдастырған. Оның Мұсамен біріккен күштері 1487 ж. Дон өз-нің сағасында Алтын Орда ханы Ахметке ойсырата соққы берген. Ж. және Мұса ұрпақтары 16 ғ-да қазақ халқының тарихында елеулі рөл атқарды. Әдеб.: Ахмедов Б.А., Государство кочевых узбеков, М., 1965; Материалы по истории казахских ханств XV — XVҚҚҚ вв., А.-А., 1969.