Жанбай ауылдық округі

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан ауылдық округі
Жанбай ауылдық округі
Облысы

Атырау облысы

Ауданы

Исатай ауданы

Құрылған уақыты

2002[1]

Округ орталығы

Жанбай

Енеді

1 ауыл

Тұрғыны (2021)

3231

Жер аумағы

1689,04[2] км²

Әкімі

Дидар Жалғасбайұлы Есмұханов

Округ әкімдігінің мекенжайы

Жанбай ауылы, Егемен Қазақстан көшесі, №10

Уақыт белдеуі

UTC+5:00

Автомобиль коды

06

Жанбай ауылдық округіАтырау облысы Исатай ауданындағы әкімшілік бірлік.

Әкімшілік құрамы[өңдеу | қайнарын өңдеу]

Құрамындағы жалғыз елді мекен әрі әкімшілік орталығы — Жанбай ауылы. Ауылдық округ құрамында болған Манаш ауылы 2007 жылдан бастап Жанбай ауылының құрамына енгізілген[3].

Халқы[өңдеу | қайнарын өңдеу]

2021 жылғы санақ қорытындысы бойынша 3231 адамды (1652 ер адам және 1579 әйел адам) құрады.[4]

Елді мекен Халқы,
адам (1989)
Халқы,
адам (1999)
Халқы,
адам (2009)
Халқы,
адам (2021)
Жанбай 2689 2296 3036 3231
Манаш 130 264 -

Сипаттамасы[өңдеу | қайнарын өңдеу]

Оңтүстігі Каспий теңізімен, шығысы Тұщықұдық, Аққыстау ауылдық округтерімен, батысында Нарын ауылдық округімен шектеседі. Атырау-Астрахан тас жолы, Атырау-Астрахан теміржолы өтеді. Жанбай ауылының үстімен Обалы - Ақбас каналы өтеді.[5]

Тарихы[өңдеу | қайнарын өңдеу]

1930 жылдары осы өңірде құрылған ауылдық кеңестер негізінде қалыптасқан. Каспий теңізі мен Нарын құмының аралығында орналасқан ежелгі мекен. Әуелгі кезде тек балық шаруашылығымен айналысқан. 1939 жылдары Жанбай ауылдық кеңесіне «Жаңаталап» балық артелі, «Бірлік ту» ұжымшары қараған. 1945 ж. «Жаңаталап» колхозынан «III Интернационал» ауылшаруашылығы ұжымшары бөлініп шыққан. 1957 ж. «Родина», «Фурманов», «Ленин» атындағы колхоздар біріктіріліп «Забурын» қой кеңшарлары құрылған.

Әлеуметтік нысандары[өңдеу | қайнарын өңдеу]

1 емхана, 1 пошта байланыс бөлімшесі, 1 АТС орталығы, 1 саз мектебі, 1 орта мектеп, 1 мәдениет үйі, 1 балабақша жұмыс жасайды (2018).

Шаруа қожалықтары мен кәсіпкерлік[өңдеу | қайнарын өңдеу]

Округте 8 азық-түлік дүкені, 3 шаруашылық дүкені, 2 кафе, 1 базар, 2 май құю бекеті, 1 наубайхана, 1 дәріхана, 1 көлік жуу орны, 2 тойхана сияқты кәсіпкерлік нысандар халыққа қызмет етіп келеді. Жалпы ауылдық округ бойынша барлығы 3916 бас мүйізді ірі қара, 3937 бас қой, 452 ешкі, 2876 жылқы, 1405 түйе малы бар.

Селолық кеңес төрағалары, округ әкімдері:[өңдеу | қайнарын өңдеу]

  • Рахметолла Жүнісбаев (Забурын с/с);
  • Қалмен Мырзашев (Жанбай а/с);
  • Рахмет Хасанов;
  • Кибаш Бисенғалиев;
  • Ақзинеп Елжанова;
  • Мардаш Нүрекешев;
  • Жұмағали Жуасов;
  • Охиза Ғалымова;
  • Сибат Ташпанов;
  • Табылды Айтимов;
  • Хатима Дайырова;
  • Сапи Қалдыбаев;
  • Боқан Ержанов;
  • Мапон Дабылов;
  • Ибатолла Жұмағазиев;
  • Әнуарбек Зайдуллин;
  • Алпамыс Хайдаров;
  • Рахметолла Ғұбашев;
  • Садуақас Наубетов;
  • Ерік Сариев;
  • Әліби Хайдаров;
  • Едіге Досқалиев;
  • Дидар Есмұқанов.

Жанбай ауылдық округінің жер-су атаулары[өңдеу | қайнарын өңдеу]

  • Тоғызбай — тұзды көл. Аққыстау ауылынан батысқа қарай 25 км жерде. Ертеде теңіз жағасындағы балық кабылдайтын батағалар осы жерден тұзды қазып алып, оны желкен қайықтармен кемелерге тасып жеткізіп, өндіріске пайдаланған.

Дереккөздер[өңдеу | қайнарын өңдеу]