Жанболат Амангелдіұлы Смаилов

Уикипедия — ашық энциклопедиясынан алынған мәлімет
Jump to navigation Jump to search

Смаилов Жанболат Амангелдіұлы — Қазақстан Республикасының Төтенше жағдайлар министрі вице-министрі, экономика ғылымдарының кандидаты, «Нұр Отан» ХДП мүшесі.1969 жылы 2 қаңтарда, Целиноград облысы Астрахань ауданы Жарсуат ауылында туған. Целиноград инженерлік-құрылыс институтын (1993),Л.Н. Гумилев атындағы Еуразия ұлттық университетін (2005) бітірген.

Еңбек жолы[өңдеу]

Еңбек жолын 1991 жылы «Автомотосервис» Целиноград облыстық кәсіпорнында экспедиторлықтан бастады. Одан кейін «Казавтомотосервис» облысаралық базасында инженер болып жұмыс істеді. 1995 жылдан бастап «Ақмолатрансагенттігі» АҚ президент болып тағайындалды. 1997 жылдан бастап «Бұланды карьері» АҚ президенті болып қызмет атқарды. 2003 жылдан 2004 жылға дейін Ақмола облыстық мәслихатының депутаты болды. 2004 жылғы 20 мамырдан 2005 жылғы ақпанға дейін – Ақмола облысы Шортанды ауданының әкімі. 2005 жылғы ақпаннан 2008 жылғы мамырға дейін Ақмола облысы Степногорск қаласының әкімі. 2008 жылғы мамыр-қазан аралығында Қазақстан Республикасы Президенті Әкімшілігінің мемлекеттік инспекторы. 2008 жылғы қазаннан бастап Солтүстік Қазақстан облысы әкімінің бірінші орынбасары. 2010 жылғы сәуірден бастап ҚР Төтенше жағдайлар вице-министрі.

Отбасы жағдайы[өңдеу]

Үйленген. Жұбайы – Смаилова Анара. Балалары: қызы (Әсел, 1992 жылы туған) және ұлдары (Абай, 1995 жылы туған, Иманғали, 2004 жылы туған).[1]

Дереккөздер[өңдеу]

  1. Қазақстан Республикасының Төтенше жағдайлар министрлігінің ресми сайты