Жангентхан Абылайұлы
| Жангентхан Абылайұлы | |
| Туған күні | 24 сәуір 1949 (76 жас) |
|---|---|
| Туған жері | Жанкент ауылы, Қазалы ауданы, Қызылорда облысы, Қазақ КСР, КСРО |
| Азаматтығы |  КСРО Қазақстан
|
| Жұмыс орны | ҚазҰМУ-да эндокринология кафедрасының профессор (2017) |
| Ғылыми дәрежесі | профессор |
| Альма-матер | Семей медицина университеті |
| Кім ретінде әйгілі | эндокринолог, профессор |
| Марапаттары мен премиялары | Қазақстанның еңбек сіңірген ғылым қайраткері |
Абылайұлы Жангентхан (24 сәуір 1949 жыл туған, Қызылорда облысы, Қазалы ауданы, Жанкент ауылы) – медицина ғылымының докторы (1990), профессор (1998). Қазақстанда кәсіби эндокринологияның негізін қалаушылардың бірі.
ҚР ҰҒА-ның биология-медицина бөлімінің мүшесі. Семей мемлекеттік медицина институтын (1972, Семей мемлекеттік медицина академиясы) бітірген. 1973-76 ж. еңбек жолын Қызылорда облысы Байқоңыр қаласындағы ауруханада интерн-дәрігер болып бастады. 1976-90 ж. 1-ші Мәскеу медицина институтының аспирантурасында, КСРО Медицина ғылымдары академиясының докторантурасында оқып, ғылыми зерттеулермен айналысқан.
Еңбек жолы
[өңдеу | қайнарын өңдеу]ҚР Денсаулық сақтау министрлігінің Гигиена және кәсіби аурулар ғылыми-зерттеу институты директорының орынбасары (1994-98), Эпидемиология және микробиология ғылыми-зерттеу институты директорының орынбасары (1998-2001), Кардиология мен ішкі ағзалар аурулар ғылыми-зерттеу институты директорының орынбасары, бөлім меңгерушісі (2001-12) қызметтерін атқарған. 2010-16 ж. ҚазҰМУ-да эндокринология кафедрасының меңгерушісі, 2017 жылдан профессор қызметін атқарды.
Ғылыми еңбектері мен зерттеулері
[өңдеу | қайнарын өңдеу]Негізгі ғылыми еңбектері эндокринология, тирсоидология, лимфология, профпатология, радиациялық экология және медицина, экспериментология, психологияның әр түрлі мәселелеріне арналған. Абылайұлы Жангентхан 300-ден астам ғылыми еңбектің, оның ішінде 8 монография, 30 патенттің авторы. 4 ғылым докторы, 36 ғылым кандидатын, 2 РһD дайындаған. [1]
Марапаттары
[өңдеу | қайнарын өңдеу]- ҚР Денсаулық сақтау ісінің үздігі (1997)
- Қазақстанның еңбек сіңірген ғылым қайраткері (2003)
- Қазалы ауданының құрметті азаматы
Дереккөздер
[өңдеу | қайнарын өңдеу]- ↑ СЫР ЕЛІ. Энциклопедия / Бас ред. Б.С. Каримова. 2-басылым. – Алматы: «Тау-Қайнар» ЖШС, 2023.