Жансейіт Сәрсенқұлұлы Сәрсенқұлов

Жансейіт Сәрсенқұлұлы Сәрсенқұлов

Жансейіт Сәрсенқұлұлы Сәрсенқұлов

1953 жылы 22 наурызда Алматы облысы Кеген ауданының Бөлексаз ауылында туған. Қазақ

Әкесі - Сүлейменов Сәрсенқұл (1928-1980). Анасы -Сүлейменова Ұлжан (1930 жылы туған), зейнеткер.

Алматы халық шаруашылығы институтының қаржы-несие факультетін (1980) экономист мамандығы бойынша; Орталық Азия университетінің құқықтану факультетін (2000) заңгер мамандығы бойынша бітірген.

Экономика ғылымдарының кандидаты (2000). Кандидаттық диссертациясының тақырыбы: «Қазақстан Республикасындағы салықтық-бюджеттік және қаржы - кредиттік реттеу».

Нарықтық экономика туралы көптеген мақалалар мен жарияланымдар авторы.

Қазақ, орыс және неміс (сөздікпен) тілдерін біледі.

«Нұр Отан» ХДП мүшесі (2001 жылдан).

1970 жылдан - «Қазауылшартехника» бірлестігінде автослесарь. 1971 жылдан - Кеңес Әскерінің қатарында қызметте. 1973 жылдан - «Қазауылшартехника» бірлестігінде автослесарь. 1975 жылдан - Алматы халық шаруашылығы институтының дайындық бөлімінде тыңдаушы. 1976 жылдан - Алматы халық шаруашылығы институтының студенті. 1980 жылдан - Қаржы министрлігінің Мемлекеттік кірістер басқармасында экономист, аға экономист. 1983 жылдан - ҚР Қаржы министрлігінің Бас бақылау-тексеру басқармасында бақылаушы-тексеруші , аға бақылаушы-тексеруші , бас бақылаушы-тексеруші , бөлім бастығы. 1992 жылдан - ҚР Министрлер кабинеті жанындағы Мемлекеттік қаржылық бақылау комитетінің басқармасы бастығының орынбасары. 1993 жылдан -ҚР Жоғарғы Кеңесі Бақылау палатасының инспекторы. 1994 жылдың ақпанынан - ҚР Қаржы министрлігінің Бас салық инспекциясында бөлім бастығы. 1994 жылдың мамыр айынан - ҚР Жоғарғы Кеңесі Бақылау палатасының аға инспекторы. 1995 жылдың мамырынан - ҚР Қаржы министрлігі Басқармасында бөлім бастығы, Басқарма бастығының орынбасары, басқарма бастығы. 1996 жылдың қараша айынан - ҚР Қаржы министрлігінің Мемлекеттік салық комитеті басқармасының бастығы. 1997 жылдың қазан айынан - Маңғыстау облыстық Салық комитетінің төрағасы. 2001 жылдан - Маңғыстау облысы әкімінің орынбасары. 2002 жылдан - ҚР Қаржы министрлігінің Маңғыстау облыстық қаржы басқармасының бастығы. 2003 жылдан - Маңғыстау облысындағы Салық комитетінің төрағасы. 2005 жылдан - ҚР Парламенті Сенатының депутаты, Әлеуметтік-мәдени даму комитетінің мүшесі.

2007 жылдан бері - ҚР Парламенті Сенатының депутаты, Қаржы және бюджет комитетінің мүшесі.

«Құрмет» орденімен (2007); «Қазақстан Республикасының тәуелсіздігіне 10 жыл», «Қазақстан Парламентіне 10 жыл», «Астананың 10 жылдығы» медальдарымен марапатталған. Салық қызметінің үздігі.

Әскери атағы - запастағы майор.

Діни көзқарасы - атеист.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстанның экономикасының тұрақ ты дамуы, халық тың әл-ауқатының жақсаруы».

Хоббиі - спорт.

Сүйіп оқитын әдебиеті - шытырман оқиғалы әдебиет, экономика саласындағы әдебиет.

Үйленген. Жұбайы - Сәрсенқұлова Сәуле Жолдасқызы (1956 жылы туған), кәсіпкер. Қыздары - Сәрсенқұлова Ләззат Жансейітқызы (1978 жылы туған), Сәрсенқұлова Мәлика Жансейітқызы (2002 жылы туған); ұлы - Сәрсенқұлов Үлан Жансейітұлы (1985 жылы туған).