Жансейіт Әбдрахманов
Жансейіт Абдрахманов (1900—1974) — "Қарағандышахтақұрудың" Костенко атындағы шахтаның тіреушісі, Социалистік Еңбек Ері.
Арғын тайпасының Қаракесек руының Әлтөбет бөлімінен шыққан.
1900 жылы Қарағанды облысы Қарқаралы ауданының Бадыран аулында ауқатты отбасында дүниеге келген. Жастайынан әкесіне көмектесіп, мал бағумен айналысады. 16 жасынан жергілікті байдың қызметшісі болған. 1929 жылы қазақ ауылдарында ұжымдастыру бастаған кезде Семей қаласына көшіп, диірмен комбинатында ағаш ұстасы болып жұмыс істейді.
1938 жылы отбасымен Қарағанды қаласына көшіп барады. Онда енді ғана салынып жатқан Костенко шахтасына жұмысқа тұрады. Ағаш ұстарасы болуы оның шахтадағы жұмысына көмегін тигізіп, тіреуші болып орналасады. Құрал-саймандарының қашанда сайланып жүруі оның берік тіреуіштерді орнатуына септігін тигізді.
Костенко атындағы шахта салынып бітпесе де, 1942 жылдан бастап қолданысқа беріледі. Мемлекет қарағандылық көмірге зәру болады. Соғыс жылдарында Жансейіт Қарағанды көмір бассейндегі үздік тіреуші аталады. Жұмыс нәтижесін жақсарту үшін бірқатар әдіс-тәсілдер мен дағдыларды ойлап табады. Ай сайын шахтағы ұңғымалар бойынша жоспарды орындап, тіпті кейде асырып отырды. Сәйкесінше, көмір өндіру де көбейеді. Жоғары көрсеткіштерге қол жеткізгені үшін Жансейіт Әбдрахманов "Еңбектегі жетістігі" үшін медалімен, Қазақ ССР Жоғары Кеңесінің және КСРО Көмір өнеркәсібі министрлігінің грамотасымен марапатталады.
КСРО Жоғарғы Кеңесі Президиумының 1948 жылғы 28 тамыздағы жарлығымен көмір өндіруді арттыру, көмір шахталарын қалпына келтіру және салу,еңбек өнімділігін айтарлықтай арттыруды қамтамасыз ететін алдыңғы қатарлы жұмыс әдістерін енгізгені үшін Әбдрахманов Жансейітке Социалистік Еңбек Ері атағымен бірге Ленин ордені және "Орақ мен Балта" алтын медалі табысталады.
1957 жылы зейнеткерлікке шыққанша дейін аталмыш шахтада жұмыс істеді. 1949 жылы партия қатарына қабылданды.
Қарағанды қаласында өмір сүрді. 1974 жылы қайтыс болды.
Ленн орденімен, медальдармен марапатталған.
Сілтемелер[өңдеу | қайнарын өңдеу]
- Музалевский М. В. Герои Социалистического Труда. Биобиблиографический словарь. — М.: РИЦ "Кавалер", 2008. — Т. 2. — 200 с.
- [./Файл:Hero_of_Socialist_Labor_medal.png link=|31x31px] Абдрахманов, Жансеит. Сайт «Герои Страны».
