Жан Франсуа де Гало Лаперуз

Уикипедия — ашық энциклопедиясынан алынған мәлімет
Jump to navigation Jump to search

Жан Франсуа де Гало Лаперуз (1741 жыл 22 тамыз, Ле-Гуль - 1788 жыл) - француз теңіз саяхатшысы.

Өмірі[өңдеу]

1756 жылдан әскери флотта істеген. 1785-1788 жылдары «Буссоль» және «Астролябия» желкенді кемелерімен Тынық мұхитты зерттеу экспедициясын басқарды. Л.Горн мүйісін айналып, Пасхи аралы арқылы Гавай аралдарына барды. Одан Алясканың батысындағы Әулие Илья тауынан Солтүстік Американың батыс жағалауымен солтүстік ендіктің 60°-нан 36°60'-на дейін жетті, оңтүстік-батысқа бұрылып 20° солтүстік ендік бойымен Тынық мұхитты кесіп өтті. Содан Филиппин аралдары арқылы Шығыс Қытай, Жапон теңізімен жүзіп, Татар бұғазынан өтті. Экспедиция мүшесі Ж.Б.Лепсепсті зерттеу қорытындылары мен жүзген жерлер картасын беріп, оны Камчаткадан Петербург арқылы Парижге қайтарды. Кемелер Австралияға бағыт алып, жолда Савайи аралын ашты.

Жоғалуы[өңдеу]

Сиднейден солтүстікке шыққан экспедиция хабарсыз жоғалды. Ваникоро аралынан 1826, 1828 жылы Лаперуз экспедициясының заттары, 1964 жылы кеменің қалдығы табылды.[1]

Дереккөздер[өңдеу]

  1. Қазақ Совет Энциклопедиясы, Алматы, 1975ж., 7 том