Жапонияны жеңгені үшін медалі
| «Жапонияны жеңгені үшін» медалі | |
|---|---|
 | |
| Шынайы атауы | Медаль «За победу над Японией» |
| Мемлекет |  КСРО
|
| Түрі | Медаль |
| үшін марапатталады | Жапонияны жеңгені үшін |
| Жағдайы | берілмейді |
| Алғашқы иегері | 9 маусым 1945 |
| Жоғары марапаты | 1941-1945 жж. Ұлы Отан соғысындағы Жеңіске 40 жыл мерейтойлық медалі |
| Төменгі марапаты | «Будапештті алғаны үшін» медалі |
«Жапонияны жеңгені үшін» медалі — КСРО-ның мемлекеттік наградасы. 1945 жылғы 30 қыркүйекте КСРО Жоғарғы Кеңесі Президиумының «„Жапонияны жеңгені үшін“ медалін тағайындау туралы» Жарлығымен бекітілді. Суретінің авторы — суретші М. Л. Лукина.
Медаль туралы ереже
[өңдеу | қайнарын өңдеу]«Жапонияны жеңгені үшін» медалімен төмендегілер марапатталды:
- Қызыл армияның, Әскери-Теңіз Флотының және НКВД әскерлерінің құрамындағы барлық әскери қызметшілер мен еркін жалданған штаттық құрам өкілдері — жапон империалистеріне қарсы ұрыс қимылдарына 1-Қиыр Шығыс, 2-Қиыр Шығыс және Забайкаль майдандары, Тынық мұхиты флоты мен Амур өзен флотилиясы құрамында тікелей қатысқандар;
- НКО, НКВМФ және НКВД орталық басқармаларының Қиыр Шығыстағы кеңес әскерлерінің ұрыс қимылдарын қамтамасыз етуге қатысқан әскери қызметшілері.
«Жапонияны жеңгені үшін» медалі кеуденің сол жағына тағылады және КСРО-ның басқа медальдары болған жағдайда «1941—1945 жж. Ұлы Отан соғысындағы Жеңіске қырық жыл» юбилейлік медалінен кейін орналасады. Бастапқыда ереже бойынша бұл медальді «1941—1945 жж. Ұлы Отан соғысындағы Германияны жеңгені үшін» медалінен кейін тағу көзделген.
Сипаттамасы
[өңдеу | қайнарын өңдеу]«Жапонияны жеңгені үшін» медалі диаметрі 32 мм болатын, екі жағынан да жиекпен қоршалған дұрыс дөңгелек пішінді. Қалыңдығы — 2,5 мм. Медаль жезден жасалған. Барлық жазулар мен бейнелер бедерлі (шығыңқы).
Медальдің алдыңғы бетінде оңға қаратылған Кеңес Одағының генералиссимусы И. В. Сталиннің қырынан берілген кеуде тұсынан бейнесі орналасқан. Жоғарғы бөлігінде шеңбер бойымен «ЗА ПОБЕДУ НАД ЯПОНИЕЙ» деген жазу бар.
Медальдің артқы бетінде екі жолмен «3 СЕНТЯБРЯ 1945» деген жазу, оның үстінде бесбұрышты жұлдызша бейнеленген.
Медаль құлақша мен сақина арқылы ені 24 мм болатын жібек муар лентамен қапталған бесбұрышты тағанға бекітіледі. Лентаның ортасында кең қызыл жолақ орналасқан, оның екі жағында бір-бірден ақ жолақ, бір-бірден қызыл жолақ және бір-бірден жіңішке ақ жолақ бар. Лентаның шеттері жіңішке сары жолақтармен көмкерілген.
Марапатталғандар
[өңдеу | қайнарын өңдеу]Әртүрлі дереккөздерге сәйкес, «Жапонияны жеңгені үшін» медалімен марапатталғандардың жалпы саны 1 700 000 адамнан асты.