Жаратылыстану және техника қайраткерлерінің биографиялық сөздігі
Жаратылыстану және техника қайраткерлерінің биографиялық сөздігі - Мәскеудегі «Үлкен кеңес энциклопедиясы» мемлекеттік ғылым баспасынан 1958-59 жылы 2 томдық болып жарық көрген сөздік. Жаратылыстану және техника салаларының дүние жүзіне танылған көрнекті қайраткерлеріне арналған. Осы еңбектің 2-томындағы 200-бетте академик Қаныш Сәтбаевтың қысқаша өмірбаяны берілген, сондай-ақ Opталық Қазақстанның геологиясын, әсіресе пайдалы қазбалар кен орнын зерттеуге және оларды халық шаруашылығында пайдалану мәселелеріне арналған негізгі еңбектері туралы мағлұмат беріледі.
Оның еңбектері Ұлытау-Жезқазған ауданында ірі мыс рудасын және басқа да пайдалы қазбалар кен орындарын анықтауға себеп болғаны, пайдалы қазбалардың болжам картасын жасауда үлкен жұмыстар жүргізгені, 1942 жылғы Сталиндік сыйлық лауреаты екені айтылып, соңында негізгі еңбектері мен әдебиеттер көрсетілген. Көлемі 88,22 баспа табақ. Таралымы 30 мың дана.[1]
Дереккөздер[өңдеу | қайнарын өңдеу]
- ↑ Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |