Жарман
| Жарман | |
| Морфометрия | |
|---|---|
| Өлшемі | 12,8 × 7 км |
| Ауданы | 56,9 км² |
| Тереңдігі | 1-1,5 м |
| Су алабы | |
| Суды жинау ауданы | 1860 км² |
| Орналасуы | |
| 51°35′46″ с. е. 64°27′00″ ш. б. / 51.59611° с. е. 64.45000° ш. б. (G) (O) (Я)Координаттар: 51°35′46″ с. е. 64°27′00″ ш. б. / 51.59611° с. е. 64.45000° ш. б. (G) (O) (Я) | |
| Ел |  Қазақстан |
| Аймақ | Қостанай облысы |
| Аудан | Науырзым ауданы |
Жарман – Сыпсыңағаш қолатының шығысындағы көл.
Географиялық орны[өңдеу | қайнарын өңдеу]
Қостанай облысының Науырзым ауданы жерінде, Наурызым қорығы аумағында орналасқан.
Гидрографикасы[өңдеу | қайнарын өңдеу]
Ауданы 56,9 км2, ұзындығы 12,8 км, ені 7 км, тереңдігі 1-1,5 м. Су жиналатын алабы (Сарымойын көлімен қоса алғанда) 1860 км2. Көктемгі қар, жауын-шашын суымен толығады. Құрғақ жылдары көл кейде құрғап қалады. Су деңгейі жоғары болған жылдары солтүстігінде жатқан Сарымойын, Жаркөл көлімен жалғасып, ауданы 100 км2-лік айдынға айналады.
Жағалау сипаты[өңдеу | қайнарын өңдеу]
Жағалауы қатты тілімденген. Көптеген шығанақтары, түбектері және аралдары бар. Түбі аздап адырлы, қалыңдығы 0,1-0,4 м, лайлы тұнбамен жабылған. Жағалауы ашық, жайпақ, саздақ құмнан түзілген. Солтүстік жағасында қамыс, құрақ өскен. Көлдің жағалауы мен жайылмаларында бетеге, боз, жусан, сораң, шалғынды өсімдіктер өседі. Суында мөңке, алабұға, т.б. балықтар тіршілік етеді. Аққу, бірқазан, қоқиқаз, қаз, үйректер мекендейді. Жағалауы шабындық және мал жайылымы ретінде пайдаланылады.[1]
Дереккөздер[өңдеу | қайнарын өңдеу]
- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5