Жарық көздері

Жарық көздері — қағида бойынша жарық 2 жолмен шығарылады. Көрінетін жарық сәулелері - ыстық заттардан таралатын жарық. Сәулелену - электрондар үлкен энергиялы күйден төмен энергиялы күйге орын ауыстырғанда шығарылатын жарық. Флуоресценциялы заттар тек энергия жұтқаннан кейін ғана жарқырайды. Атомдар жарық энергиясын жұтқанда не басқа бөлшекпен соқтығысқанда өздері жарық шығара бастайды. Мұндай атомдар қозған атомдар болып саналады. Қозған атомдар шығарған жарықтарды қосымша энергияны өзіне қарай тартады. Атомды қоздыру үшін қажетті энергия мөлшері мен сәулені шығаруға қажетті энергия мөлшері арасында қоздырылған атомдарға тәуелді айырмашылығы болады. Атом энергиясының немесе жарық толқының мөлшері жарық толқынының түсін анықтайды. Түрлі түсті жарық толқындары қабаттасқанда ақ жарықты береді. Молекулалары мен атомдары көзге көрінетін сәулелер шығаратын денелердің барлығын жарық көздер деп атайды. Бұл денелерді жарық шығаратын бөлшектерінің қозу тәсілдері бойынша бірнеше топқа бөлуге болады. Бірінші топқа жарықтың температуралық көздері жатады, оларда жарық шығару жеткілікті жоғары температура кезінде дененің бөшектерінің хаостық қозғалысының арқасында атомдар мен молекулалардың қозуының арқасында пайда болады. Мұндай жарық көздерінің сәулелену энергиясы олардың ішкі энергиясының есебінен болады. Жарық көздерінің екінші тобына люминесценттік жарық көздері жатады, олардың атом - молекулаларының қозуы жоғары температураның әсерінен емес,сыртқы электромагниттік сәулеленудің немесе химиялық реакцияның әсерінен заттың ұшып келе жатқан бөлшектері, мысалы, электрондары ағынының арқасында пайда болады. Осы кезде сәулелену энергиясы электр, химиялық немесе механикалық энергиялардың, яғни сыртқы көздердің энергиясының есебінен пайда болады.