Жар Нұрмұханұлы Қапесов

Жар Нұрмұханұлы Қапесов - 1946 жылы 1 қазанда Павлодар қаласында туған. Қазақ. Әкесі - Қапесов Нұрмұхан Қапесұлы, зейнеткер, заң ғылымдарының докторы, профессор. Анасы - Қапесова Күлпаш, зейнеткер. А.В. Луначарский атындағы Мемлекеттік театр өнері институтының педагогикалық-балетмейстерлік факультетін бітірген (1971), педагог-балетмейстер. Т. Жүргенов атындағы Қазақ ұлттық өнер академиясының профессоры. Музыкалық-ритмикалық тәрбие жөніндегі оқу құралының авторы. Алматы қаласының мектеп түлектеріне арналған «Ақ Жол» театрлық-жаппай көрінісінің (2009), «Президент шыршасының», «Наурыз мейрамының» режиссері. Қазақ және орыс тілдерін біледі. 1971 жылдан - ҚазКСР Мемлекеттік ән және би ансамблінің бас балетмейстері. 1973 жылдан - Т. Жүргенов атындағы Қазақ ұлттық өнер академиясының дәріскері, 1980 жылдан бері - профессоры. Қазақстан Төатр қайраткерлері одағының, Қазақстан Хореографтар одағының мүшесі. Қазақстанның Еңбек сіңірген қайраткері (1996). «Қазақстан Республикасының тәуелсіздігінө 10 жыл» медалімен марапатталған (2001). Әскери атағы - запастағы аға лейтенант. Діни көзқарасы - ислам. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Жас прогрессивті үкімет». Хоббиі - үй құстарын өсіру. Сүйіп оқитын әдебиеті - тарихи романдар. Үйленген. Жұбайы - Қапесова Бәтима Нарекепқызы. Қыздары - Қапесова Әнел, психолог, Қапесова Әсел, студент.