Жастарға айтар сөз (жинақ)

Жастарға айтар сөз - Алматыдағы «Қазақстан» баспасынан 1966 жылы орыс тілінде жарық көрген жинақ. Құрастырушы - В.К.Ермаченков. 5 тараудан тұрады. Бұл еңбекте аға буынның ерлік істері, еңбек жолдары айтыла келіп, олардың жастарға берер тәлім-тәрбиесі, ақыл-кеңесі сөз болады. Академик Қаныш Сәтбаевтың «Ғылымның күш-қуаты коммунистік құрылысқа» атты мақаласында Қазақстанның төңкеріске дейінгі ауыр жағдайы, халық шаруашылығының артта қалуы, елдегі сауатсыздық айтыла келіп, жастардың 5 және 6-жылдықтарда ел индустриясын дамытудағы қажырлы еңбегі, ұлттық мамандардың қалыптасуы, экономика мен мәдениетті, ғылымды дамытудағы көрнекті рөлі айрықша атап өтіледі. Көлемі 10,1 баспа табақ. Таралымы 20 мың дана.