Жасушалық айналым

Жасушалық айналым (клеточный цикл); (лат. cyclus cellularins cyclus — айналым, cellula — жасуша) — жетілген жасушалардың тіршілік мерзімі. Грекше "цикл"— дөңгелек, шеңбер деген мағынаны білдіреді. Жасушалық айналым — кезеңаралықтан (интерфазадан) және митоздан тұрады. Интерфаза екі митоздың аралығындағы жасушаның бөлінуге дайындық кезеңі. Зат алмасу сипатына сәйкес интерфаза (интеркинез) өз кезеңінде үш кезеңге бөлінеді: түзілісалды (пресинтетикалық), түзіліс (синтетикалық) және түзілісоңы (постсинтетикалық) кезеңдер. Интерфаза кезінде центросома центриольдері мен ДНК екі еселенеді. Митоз — жасушаның күрделі бөлінуі. Ол профаза, метафаза, анафаза, телофаза фазаларынан тұрады. Митоздың нәтижесінде аналық жасуша құрамы жағынан тең екі жас жасушаға бөлінеді. Жасушаның митоздық бөлінуінен кейін, интерфазалық кезең басталады.