Жатырдан тыс жүктілік

Уикипедия — ашық энциклопедиясынан алынған мәлімет
Навигацияға өту Іздеуге өту

Жатырдан тыс жүктілікұрықтың Жатырдан тыс дамуы. Ұрықтанған аналық жұмыртқа әр түрлі аурудың (қабыну, соз, т.б.) салдарынан, аборт жасатудан, жыныс мүшелерінің жетілмеуінен, т.б. себептерден Жатыр түтігінен Жатырға өте алмай қалады. Жатырдан тыс жүктілік: түтіктегі, аналық бездегі және құрсақтағы жүктілік деп бөлінеді. Бұлардың ішінде өте жиі кездесетіні Жатыр түтігіндегі жүктілік. Ұрықтанған жұмыртқа Жатыр түтігінің ішкі қабатына жабысып өседі.[1] Ұрық 6 — 8 аптадай дамып, түтікті керіп, жарып жібереді. Жатырдан тыс жүктілік кезінде кіндіктің төменгі жағы қатты ауырады, ішке қан құйылып, әйел әлсіреп, есінен танып қалуы мүмкін. Жатыр түтігіндегі жүктілік мезгіл-мезгіл толғақ сияқты ауыртады. Бірнеше сағаттан соң жазылып кеткендей болады. Жатырдан тыс жүктіліктің қандай түрі де әйел өміріне өте қауіпті. Жатырдан тыс жүктілікті тек хирургиялық операция жасап емдейді. Операциядан кейін әйел бір жыл бойына гинеколог-дәрігердің бақылауында болады.[2]


Белгілері[өңдеу | қайнарын өңдеу]

  • Іштің төменгі жағының құрысуы, шаншуы.
  • Жүрек айнуы, лоқсу.
  • Әлсіздік пен бас аурулары.
  • Тік ішектің, иық пен мойынның ауырсынуы.
  • Етеккірге ұқсас сұйықтық бөлінуі.[3]


  1. Қазақ энциклопедиясы
  2. Жатырдан тыс жүктілік | Ana-bala.kz Мұрағатталған 23 маусымның 2011 жылы.
  3. Balam.kz - Жүктілік, босану, тәрбиелеу