Жаужұмыр (өсімдік)

Уикипедия — ашық энциклопедиясынан алынған мәлімет
Jump to navigation Jump to search

Жаужұмыр (жаужұмыр сасыр) — шатыршагүлдер тұқымдасына жататын көп жылдық шөптесін өсімдік. Мойынқұмда, Қызыл құмда, Бетпақдалада, Балқаш пен Алакөл жағасында, Солтүстік Үстіртте, Торғай ойпатында кездеседі. Құмда, кейде тау-тасты жерлерде өседі. Мамырда гүлдеп, маусымда жеміс береді. Биіктігі 40 см-дей. Сабағы бұтақтанбаған, жіңішке, тік орналасқан. Жапырағы жұмсақ, оның жоғарғы жағы тықыр, төменгі жағы түкті. Жемісі эллипс пішіндес, жиегінде сұрғылт жолағы бар. Тамырын жеуге болады, оның құрамында (құрғақ затына шаққанда) 13,4 % клетчатка, 57,63% крахмал, 10,0% сахароза, 6,76% май, 68,93% көмір су бар. Крахмалы мол тағамдық өсімдік.[1]

Тағы қараңыз[өңдеу]

Дереккөздер[өңдеу]

  1. Қазақ тілі терминдер сөздігі I том