Жаупазақ
Жаупазақ - өріктің орта азиялық тобына (оның Зеравшан тармағына) жатады. Жемісі өте ерте пісетін сорттардың бірі.[1]
Орта Азияда жемісі маусымның алғашқы он күндігінде, Алматы облысының тау белдеуі аймағында - маусымның алғашқы жартысында піседі. Тауда өсіргенде суыққа едәуір төзімді сорт екенін көрсетті: 1950-1952 жылдардағы қатты қыс кезінде ағаштарының үсігені 2 баллмен ғана бағаланды. Қысы әдеттегідей 6 жылдың ішінде гүлше бүршіктерінің 48,1% үсінді, ал бір ағаштан алынған жалпы өнім - 54 килограмм болды. Жемістерінің үлкендігі орташа, домалақ. Жеміс қабығы түксіз жалаңаш, түсі сары, жұмсағының түсі - ақсары, тығыз, талшықтығы орташа, ұлпасыз, шырынды, қантты.
Құрамындағы қант мөлшері 11,35%, қышқылдығы- 2,4%.
Дегустациялық бағасы: дәмі- 3,9 балл, хош иісі-3,5 балл, сыртқы көрінісі- 3,4 балл. Кепкен жемісі-14,5%, мейізінің дәмі- 2,7 балл. Зерттелген сорттардың ішіндегі түрлі ауруларға ең төзімдісі.
Оңтүстіктегі үш облыста аудандастырылған.[2]