Жауынгерлік бұйрық

Жауынгерлік бұйрық — әскери құрама, бөлім, бөлімше командирінің өзіне бағынышты әскер құрамына өз шешімін жүзеге асыру үшін беретін бұйрығы. Онда қарсы жақ тобының күші мен қимыл-әрекеті, әскери бөлімдердің (бөлімшелердің) ұрыс кезіндегі қару-жарақтарды қолдану тәртібі, көрші әскери бөлімдердің міндеттері және олармен шекара шебі, бағынышты бөлімшелердің жауынгерлік міндеті, дайын болу мерзімі, әскерді басқару пункттерінің орналасқан жері, т.б. қажетті мәліметтер көрсетіледі. Жауынгерлік бұйрық өте қысқа және түсінікті баяндалады. Бөлімше командирі Жауынгерлік бұйрықты, әдетте, ауызша береді. Командир Жауынгерлік бұйрықтың мүлтіксіз орындалуы үшін күш пен қару-жарақты тиімді пайдалануға барлық қабілетін жұмылдыруға тиіс.