Жауынгерлік достастықты нығайтқаны үшін медалі (КСРО)
| «Жауынгерлік достастықты нығайтқаны үшін» медалі | |
|---|---|
  | |
| Шынайы атауы | орыс. Медаль «За укрепление боевого содружества» |
| Мемлекет |  КСРО |
| Түрі | медал |
| Жағдайы | берілмейді |
| Негізделді | 25 мамыр 1979 жыл |
| Барынша ұсынылған | шамамен 20 000 |
| Жоғары марапаты | «КСРО Қарулы Күштерінің ардагері» медалі |
| Төменгі марапаты | «Оңтүстіктегі қара металлургия кәсіпорындарын қалпына келтіргені үшін» медалі |
| Medal "For Strengthening of Brotherhood in Arms" Ортаққорда | |
«Жауынгерлік достастықты нығайтқаны үшін» медалі (орыс. Медаль «За укрепление боевого содружества») — КСРО Жоғарғы Кеңесі Төралқасының 1979 жылғы 25 мамырдағы Жарлығымен белгіленген КСРО мемлекеттік марапаты.
Медал жайлы ереже
[өңдеу | дереккөзін өңдеу]«Жауынгерлік достастықты нығайтқаны үшін» медалімен Варшава шартына қатысушы мемлекеттердің, сондай-ақ басқа социалистік және өзге де достас мемлекеттердің әскери қызметшілері, мемлекеттік қауіпсіздік органдарының, ішкі істер органдарының қызметкерлері және басқа азаматтары жауынгерлік достастық пен әскери ынтымақтастықты нығайтудағы еңбегі үшін марапатталды.
«Жауынгерлік достастықты нығайтқаны үшін» медалімен марапаттау КСРО Жоғарғы Кеңесі Төралқасының атынан КСРО Қорғаныс министрі, КСРО ішкі істер министрі және КСРО мемлекеттік қауіпсіздік комитетінің төрағасы арқылы жүзеге асырылды.
Медалмен қайта марапаттау жүргізілмеді. Медалмен бірге марапатталған адамға белгіленген үлгідегі медал куәлігі табысталды.
«Жауынгерлік достастықты нығайтқаны үшін» медалі кеуденің сол жағына тағылып, КСРО-ның басқа медалдары болған жағдайда «КСРО Қарулы Күштерінің ардагері» медалінен кейін орналасады.
Медалдің сипаттамасы
[өңдеу | дереккөзін өңдеу]«Жауынгерлік достастықты нығайтқаны үшін» медалы алтын түсті томпактан дайындалып, диаметрі 32 мм болатын дұрыс дөңгелек пішінге ие. Медалдың алдыңғы бетінде ұштары қызыл эмальмен қапталған бесбұрышты жұлдызша орналасқан. Жұлдызшаның ортасында бетінде «ЖАУЫНГЕРЛІК ДОСТАСТЫҚТЫ НЫҒАЙТҚАНЫ ҮШІН» (орыс. «ЗА УКРЕПЛЕНИЕ БОЕВОГО СОДРУЖЕСТВА») және «КСРО» (орыс. «СССР») деген жазулар бар қалқан бейнеленген. Жұлдызшаның сол және оң жағында шеңбер бойымен дәмжапырақ бұтақтары, ал медалдың төменгі бөлігінде айқастырылған екі қылыш бейнеленген. Медалдың артқы беті күңгірт. Медалдың алдыңғы беті ернеумен жиектелген. Медалдағы барлық бейнелер мен жазулар шығыңқы келеді.
Медал құлақша мен шығыршық арқылы ені 24 мм жібек қатқыл таспамен тысталған бесбұрышты тағанға бекітіледі. Таспаның түс үйлесімі Варшава шартына қатысушы мемлекеттердің туларындағы түстерден құралған. Таспадағы бойлық түсті жолақтар солдан оңға қарай мынадай ретпен орналасқан: жасыл, ақ, қызыл, сары, қара, сары, қызыл, ақ және көк. Жолақтардың ені: жасыл және көк түстердікі — 4 мм, ақ, сары және қара түстердікі — 1 мм, қызыл түстердікі — 5,5 мм.
Медалдің ТМД елдеріндегі баламасы
[өңдеу | дереккөзін өңдеу]- «Халықаралық ынтымақтастықты дамытуға қосқан үлесі үшін» медалі (Қазақстан)
- «Әскери ынтымақтастықты нығайтқаны үшін» медалі (Қырғызстан)
- «Әскери ынтымақтастықты нығайтқаны үшін» медалі (Молдова)
- 1995 жылы 27 наурызда Ресей Федерациясы Қорғаныс министрлігінің «Жауынгерлік достастықты нығайтқаны үшін» медалі басқа бейнелеумен тағайындалды[1].
Әдебиет
[өңдеу | дереккөзін өңдеу]- Володин А. Н., Мерлай Н. М. Медали СССР — СПб.: Печатный двор, 1997. — Б. 234—235. — ISBN 5-7062-0111-0.
- Колесников Г. А., Рожков А. М. Ордена и медали СССР — Минск: Народная асвета, 1986. — Б. 64.
- Ахманаев П. В. История медали За укрепление боевого содружества // Петербургский коллекционер : журнал. — СПб. - 2011 ж.. — № 6 (68). — б. 62—65.
Сілтеме
[өңдеу | дереккөзін өңдеу]- «Жауынгерлік достастықты нығайтқаны үшін» медалі. КСРО ордендері мен медалдары (орыс.)
Дереккөздер
[өңдеу | дереккөзін өңдеу]- ↑ Всё о военной службе. Басты дереккөзінен мұрағатталған 4 мамыр 2008. Тексерілді, 25 маусым 2008.