Жаяу жорықтар

Жаяу жорықтар - кең жазық далалар мен ойлы-қырлы және басқа да кедергілі жерлерден жүріп өтуге арналған жорықтар. Жаяу жүру туризмнің ең кең тараған саласы; ол жаяу жорықтарға қатысу үшін арнаулы қозғалыс құрал-жабдықтар (велосипед, қайық, сал, автомашина және т.б.) қажет емес; жаяу жүрудің аса бір әдісін білу де қажет емес (шаңғы, ескекті қайықтар, кемелерді басқару құралдары, машиналар және т.б.), осыған орай жаяу жүрудің техникасына тезірек үйренеді; сонымен қатар қарапайым және арзан топтық және жекеленген құралдарды пайдалануға мүмкіндік туады. Жоғарыда аталған жағдайлар туризмнің жаяу жүру түрін әртүрлі жастағы адамдар өздерінің дене дайындықтары деңгейіне қарамастан, туризмнің басқа да көптеген түрлерімен салыстырғанда ең қолайлы және ұтымды түрі болмақ. Сондықтан туризмнің осы түрі көпшілікке тиімді және ыңғайлы: мысалы, демалыс күндеріндегі туризмдік жорықтар туған өлке бойынша саяхаттарға қатысуларына мүмкіндік туады.